വ്യാജ ഷാംപൂ വില്‍പന നടത്തിയെന്ന കുറ്റത്തിന് യുവാവ് അറസ്റ്റില്‍

ഹൈദരാബാദ്: (www.kvartha.com 15.02.2022) വ്യാജ  ഷാംപൂ വില്‍പന നടത്തിയെന്ന കുറ്റത്തിന് യുവാവ് അറസ്റ്റില്‍. ഹൈദരാബാദ് കമിഷണറുടെ ടാസ്‌ക് ഫോഴ്സ് തിങ്കളാഴ്ചയാണ് യുവാവിനെ അറസ്റ്റ് ചെയ്തത്. ഇയാളില്‍ നിന്ന് 4.76 ലക്ഷം രൂപയുടെ വ്യാജ ഷാംപൂ പാകറ്റുകള്‍ സംഘം പിടിച്ചെടുത്തു. കാചിഗുഡയിലെ ഗോപാല്‍ സിംഗ് (32) ആണ് അറസ്റ്റിലായത്.

ഗോപാല്‍ സിംഗ് അഹ് മദാബാദിലെ ബുന്‍ടിയില്‍ നിന്ന് വ്യാജ  ഷാംപൂ സാചുകളും കുപ്പികളും വാങ്ങി ഇവിടെയുള്ള റീടെയില്‍ ഷോപുകളിലേക്ക് വിതരണം ചെയ്യുകയായിരുന്നുവെന്ന് പൊലീസ് പറഞ്ഞു. ബുന്‍ടിയെ പിടികൂടാനുള്ള ശ്രമം തുടരുകയാണ്. അതിനിടെ, തുടര്‍ നടപടികള്‍ക്കായി സിങ്ങിനെ കാചിഗുഡ പൊലീസിന് കൈമാറി.

Keywords: Hyderabad: Man arrested for selling duplicate shampoos, Hyderabad, News, Arrested, Cheating, Police, National.