കർശനമായ 'ലവ് ജിഹാദ്' നിയമം; രാമായൺ യൂനിവേഴ്‌സിറ്റി; കർഷകർക്ക് സൗജന്യ വൈദ്യുതി; ജനപ്രിയ വാഗ്ദാനങ്ങളുമായി യുപി തെരഞ്ഞെടുപ്പിനുള്ള ബിജെപിയുടെ പ്രകടനപത്രിക പുറത്തിറക്കി

ലക്നൗ: (www.kvartha.com 08.02.2022) ഉത്തർപ്രദേശ് തെരഞ്ഞെടുപ്പിനുള്ള ബിജെപി പ്രകടന പത്രിക പുറത്തിറക്കി. കർശനമായ ‘ലൗ ജിഹാദ്’ നിയമവും കർഷകർക്ക് സൗജന്യ വൈദ്യുതിയും അയോധ്യയിലെ രാമായൺ സർവകലാശാലയും ബിജെപി ഉറപ്പ് നൽകുന്നു. കേന്ദ്ര ആഭ്യന്തര മന്ത്രി അമിത് ഷായുടെ സാന്നിധ്യത്തിലാണ് ബിജെപി പ്രകടന പത്രിക പുറത്തിറക്കിയത്. 'ലോക് കല്യാൺ സങ്കൽപ് പത്ര' എന്നാണ് ബിജെപി പ്രകടന പത്രികയ്ക്ക് പേരിട്ടിരിക്കുന്നത്.
   

‘ലൗ ജിഹാദ്’ നിയമപ്രകാരം അറസ്റ്റിലാവുന്ന പ്രതിക്ക് 10 വർഷം തടവും ഒരു ലക്ഷം രൂപ പിഴയും ചുമത്തുമെന്ന് പാർടി വാഗ്ദാനം ചെയ്തിട്ടുണ്ട്. അടുത്ത അഞ്ച് വർഷത്തിനുള്ളിൽ ഓരോ കുടുംബത്തിനും ഒരു ജോലി ഉൾപ്പെടെ മൂന്ന് കോടി പുതിയ തൊഴിലവസരങ്ങൾ ബിജെപി വാഗ്ദാനം ചെയ്തു. പ്രതിശീർഷ വരുമാനം ഇരട്ടിയാക്കി ഉത്തർപ്രദേശിനെ സംസ്ഥാനത്തിന്റെ ഒന്നാം നമ്പർ സമ്പദ്‌വ്യവസ്ഥയാക്കി മാറ്റുമെന്നാണ് മറ്റൊരു വാഗ്ദാനം.

60 വയസിന് മുകളിലുള്ള സ്ത്രീകൾക്ക് സൗജന്യ ബസ് യാത്ര, കന്യാ സുമംഗല യോജനയുടെ തുക 15,000 മുതൽ 25,000 രൂപ വരെ വർധിപ്പിക്കും, 15 ദിവസത്തിനുള്ളിൽ കരിമ്പ് കുടിശ്ശിക തീർക്കുമെന്നും പ്രകടന പത്രിക പറയുന്നു. ലതാ മങ്കേഷ്‌കർ ഇൻസ്റ്റിറ്റ്യൂട് ഓഫ് പെർഫോമിംഗ് ആർട്‌സ് സ്ഥാപിക്കുമെന്നും പാർടി അറിയിച്ചു. ദിവ്യാംഗും വാർധക്യ പെൻഷനും പ്രതിമാസം 1,500 രൂപയും നഗരങ്ങളിലെ പാവപ്പെട്ടവർക്ക് സബ്‌സിഡി നിരക്കിലുള്ള ഭക്ഷണത്തിനായി 'മാ അന്നപൂർണ കാന്റീനും' പാർടി പ്രഖ്യാപിച്ചു.

ദാരിദ്ര്യരേഖയ്ക്ക് താഴെയുള്ളവർക്ക് (ബിപിഎൽ) വർഷത്തിൽ രണ്ടുതവണ സൗജന്യ എൽപിജി സിലിൻഡർ ലഭ്യമാക്കും, അടുത്ത 5 വർഷത്തിനുള്ളിൽ സർകാർ ഗോതമ്പും നെല്ലും എംഎസ്പിയിൽ വാങ്ങുന്നത് ശക്തിപ്പെടുത്തും, മിടുക്കരായ പെൺകുട്ടികളെ സ്വയം പര്യാപ്തരാക്കുന്നതിന് റാണി ലക്ഷ്മിഭായ് യോജന പ്രകാരം അവർക്ക് സൗജന്യ സ്കൂടറുകൾ നൽകുമെന്നും പത്രിക പറയുന്നു.

സ്വാമി വിവേകാനന്ദ് യുവ ശാശക്തികരൺ യോജനയ്ക്ക് കീഴിൽ രണ്ട് കോടി ടാബ്‌ലെറ്റുകളും സ്‌മാർട്ഫോണുകളും നൽകുമെന്നും ബുന്ദേൽഖണ്ഡിലെ ജനറൽ ബിപിൻ റാവത് ഡിഫൻസ് ഇൻഡസ്ട്രിയൽ കോറിഡോർ റെകോർഡ് സമയത്തിനുള്ളിൽ പൂർത്തിയാക്കുമെന്നും ബിജെപി വാഗ്ദാനം ചെയ്യുന്നു.

Keywords: India, National, Lucknow, Love Jihad, News, Top-Headlines, BJP, Electricity, Uttar Pradesh, Bus, Women, Bipin ravat, BJP Released Manifesto For UP Polls.

< !- START disable copy paste -->