മലപ്പുറം: (www.kvartha.com 13.01.2022) മഞ്ചേരി പൂക്കൊളത്തൂര് സി എച് എം ഹയര്സെകന്ഡറി സ്കൂളില് എസ്എഫ്ഐ പ്രവര്ത്തകരും അധ്യാപകരും തമ്മില് പൊരിഞ്ഞ അടി. സംഭവത്തില് ആറ് അധ്യാപകര്ക്കും മൂന്ന് എസ് എഫ് ഐ നേതാക്കള്ക്കും പരിക്കേറ്റു. എസ് എഫ് ഐ ഏരിയ പ്രസിഡന്റിന്റെ കയ്യൊടിഞ്ഞു. പരിക്കേറ്റവരെ മഞ്ചേരി മെഡികല് കോളജ് ആശുപത്രിയില് പ്രവേശിപ്പിച്ചു.
പഠിപ്പുമുടക്ക് സമരത്തില് പങ്കെടുക്കാന് മുന്കയ്യെടുത്ത പ്രവര്ത്തകനെതിരെ നടപടി എടുക്കാനുള്ള നീക്കത്തില് പ്രതിഷേധം അറിയിക്കാന് എത്തിയതായിരുന്നു എസ് എഫ് ഐ നേതാക്കള്. ഇതിനിടെയാണു സംഘര്ഷമുണ്ടായത്. സ്കൂളിലെ ഓഫിസില് അതിക്രമിച്ചു കടന്ന് എസ്എഫ്ഐ പ്രവര്ത്തകര് ആക്രമിച്ചു എന്നാണ് അധ്യാപകരുടെ പരാതി. എന്നാല്, ഓഫിസിനുള്ളില് പ്രവര്ത്തകരെ അധ്യാപകര് വളഞ്ഞിട്ടു തല്ലിയെന്നാണ് എസ്എഫ്ഐ നേതാക്കളുടെ ആരോപണം.
സംഭവത്തില് കേസെടുത്ത് അന്വേഷണം ആരംഭിച്ചുവെന്ന് പൊലീസ് പറഞ്ഞു.
Keywords: SFI Workers and Teachers clash at CHM Higher Secondary School, Malappuram, News, Complaint, Teachers, SFI, Attack, Injured, Treatment, Kerala.