'ഉമ്മ ഇന്നലെ മുതൽ അടുക്കളയിലാണ്'; ഭക്ഷണം കഴിച്ച് നേരെ വീട്ടിലേക്ക് പോകാൻ അതിഥികളോട് ആവശ്യപ്പെട്ട് സഊദി ബാലൻ; ലോകത്തിന്റെ മനസ് പിടിച്ചുകുലുക്കി വീഡിയോ വൈറലാവുന്നു

റിയാദ്: (www.kvartha.com 19.01.2022) ഉമ്മ ഇന്നലെ മുതൽ അടുക്കളയിലാണെന്ന് പറഞ്ഞ് അതിഥികളോട് ഭക്ഷണം കഴിച്ച് നേരെ വീട്ടിലേക്ക് പോകാൻ ആവശ്യപ്പെടുന്ന സഊദി ബാലന്റെ വീഡിയോ സാമൂഹ്യ മാധ്യമങ്ങളിൽ വൈറലാവുന്നു. കഴിഞ്ഞ ദിവസങ്ങളിൽ ഇത് മാധ്യമങ്ങളിൽ വാർത്തയായതോടെ വീഡിയോയും വൈറലാവുകയായിരുന്നു. ഈ വിഡീയയോയിലൂടെ സ്ത്രീയുടെ മഹത്വവും മാതാവിനോട് മക്കൾ കാണിക്കുന്ന സ്നേഹവും അനാവരണം ചെയ്യുന്നുണ്ടെന്ന കമന്റുകളോടെ വൈകാരികമായാണ് പലരും പ്രതികരിക്കുന്നത്.
                   

ബഹർ എന്ന ഈ കുട്ടിയുടെ പിതാവ് ഗാസി അൽ തിയാബ് തന്റെ ട്വിറ്റർ അകൗണ്ടിൽ പങ്കിട്ട വീഡിയോയാണ് വൈറലായത്. അതിഥികളായെത്തിയവർക്ക് ബഹറും സഹോദരന്മാരും പാത്രങ്ങൾ ഭക്ഷണ ടേബിളിൽ വയ്ക്കാൻ സഹായിക്കുന്നത് വീഡിയോയിൽ കാണാം. മാതാവിനെ സഹായിച്ചതിന് പിതാവ് അവരെ അഭിനന്ദിച്ചു.

അതിനിടെ ബഹർ പിതാവിനോട് ചോദിക്കുന്നു: ആരാണ് ഞങ്ങളുടെ അതിഥി?, പിതാവ് ഉത്തരം പറയുന്നതിന് മുമ്പ്, അവരിൽ ഒരാൾ പറഞ്ഞു: 'ഞാനാണ് അതിഥി'. ഉടനെ കുട്ടി, അതിഥി ആരാണെങ്കിലും ഭക്ഷണം കഴിച്ച് നേരെ വീട്ടിലേക്ക് പോകാൻ ആവശ്യപ്പെടുന്നു. എന്താ കാരണം എന്ന് പിതാവ് ചോദിച്ചപ്പോൾ ബഹർ മറുപടി പറഞ്ഞു: 'കാരണം ഉമ്മ ഇന്നലെ മുതൽ അടുക്കളയിലാണ്'. അപ്പോൾ അവിടെയുളളവരെല്ലാം പൊട്ടിച്ചിരിക്കുന്നതും വീഡിയോയിൽ കാണാം.

I can’t wait to have sons to defend me. 😂😂😂 pic.twitter.com/pUpdzKo3Jm

— Hana (@worded_woman) January 7, 2022

പക്ഷേ ഇതൊരു പൊട്ടിച്ചിരിയിൽ ഒതുക്കേണ്ട കാര്യമല്ലെന്നാണ് പലരും പ്രതികരിക്കുന്നത്. ഭാഷ, ദേശ, വേഷങ്ങൾക്കപ്പുറം ഇതിന്റെ അർഥതലങ്ങൾ വളരെ വലുതാണെന്ന് ഇവർ ചൂണ്ടിക്കാട്ടുന്നു. മൂന്ന് ദശലക്ഷത്തിലധികം പേരാണ് ഇതുവരെ വീഡിയോ കണ്ടത്.

Keywords: Gulf, Riyadh, News, Top-Headlines, Saudi Arabia, Boy, Video, Viral, Food, Mother, Guests, Father, Saudi boy asks guests to 'go straight home' after eating.

< !- START disable copy paste -->