കെമ്പഗൗഡ എന്ന കര്‍ഷകന്‍ ബൊലേറോ പികപ് വാങ്ങാന്‍ ചെന്നപ്പോള്‍ സെയില്‍സ്മാന്‍ മോശമായി പെരുമാറിയ ശേഷം ഇറങ്ങിപോകാന്‍ പറഞ്ഞതായാണ് ആരോപണം. വാഹനത്തിന് 10 ലക്ഷം രൂപ വിലയുണ്ടെന്നും നിങ്ങളുടെ പോകെറ്റില്‍ 10 രൂപ പോലും ഉണ്ടായിരിക്കില്ലെന്നും സെയില്‍സ്മാന്‍ പരിഹസിച്ചെന്ന് കെമ്പഗൗഡ പറഞ്ഞു. തന്റെ രൂപഭാവം കാരണം സെയില്‍സ്മാന്‍ പുറത്താക്കിയെന്നും കര്‍ഷകന്‍ ആരോപിച്ചു. ഇതോടെ ഒരു മണിക്കൂറിനുള്ളില്‍ പണം കൊണ്ടുവരുമെന്നും എസ് യു വി ഡെലിവറി ചെയ്യണമെന്നും കെമ്പഗൗഡ വെല്ലുവിളിച്ചു. എന്നാല്‍ പണവുമായി തിരിച്ചെത്തിയതോടെ സെയില്‍സ് എക്‌സിക്യൂടീവ് അന്തംവിട്ടു. വാഹനം ഡെലിവറി ചെയ്യാന്‍ കഴിഞ്ഞുമില്ല.
സെയില്‍സ് എക്‌സിക്യൂടീവ് മാപ്പ് പറയണമെന്ന് പ്രകോപിതനായ കെമ്പഗൗഡയും സുഹൃത്തുക്കളും ആവശ്യപ്പെടുകയും വാക്കുതർക്കം ഉണ്ടാവുകയും ചെയ്തു. അവസാനം പൊലീസ് ഇടപെട്ടു. സെയില്‍സ് എക്‌സിക്യൂടീവ് ക്ഷമാപണം നടത്തി. അതിന് ശേഷം, എനിക്ക് നിങ്ങളുടെ ഷോറൂമില്‍ നിന്ന് വാഹനം വാങ്ങാന്‍ താല്‍പ്പര്യമില്ല എന്ന് പറഞ്ഞ കര്‍ഷകനായ കെമ്പഗൗഡ 10 ലക്ഷം രൂപയുമായി നടന്നു.
Keywords: News, Karnataka, Top-Headlines, Bangalore, Farmers, Sales, Car, Cinema, Mahindra, Salesman Mocks Farmer Over Buying Car, Here's What The Farmer Did Next.
< !- START disable copy paste -->