കല്ലിടല് തടയാനെത്തിയ പ്രവര്ത്തകരെ പൊലീസ് അറസ്റ്റ് ചെയ്തു. ഒരു വനിതയുള്പെടെ ഏഴോളം പേരെയാണ് പൊലീസ് അറസ്റ്റ് ചെയ്തു നീക്കിയത്. കേരള റെയില് ഡെവലപ്മെന്റ് കോര്പറേഷന് നടപ്പാക്കുന്ന സെമി ഹൈസ്പീഡ് റെയില്വേ പദ്ധതിക്കായുളള അതിര്ത്തി നിര്ണയിക്കുന്നതിനുള്ള കല്ലിടല് പ്രവര്ത്തനങ്ങള്ക്കിടെയാണ് സംഭവം.
കെ റെയില് വിരുദ്ധ ജനകീയ സമിതി പ്രവര്ത്തകര് കല്ലിടല് തടയാന് ശ്രമിച്ചത് സംഘര്ഷത്തില് കലാശിക്കുകയായിരുന്നു. പൊലീസ് പ്രവര്ത്തകര്ക്ക് നേരെ ലാത്തി വീശി. അറസ്റ്റ് ചെയ്ത പ്രവര്ത്തകരെ ആറ്റിങ്ങല്, വര്ക്കല പൊലീസ് സ്റ്റേഷനുകളിലേക്ക് മാറ്റി. പ്രദേശത്തു പ്രതിഷേധം തുടരുകയാണ്. വര്ക്കല ഡിവൈഎസ്പി നിയാസിന്റെ നേതൃത്വത്തിലുള്ള പൊലീസ് സംഘം പ്രദേശത്ത് കാംപ് ചെയ്യുന്നുണ്ട്.
Keywords: Protest against Kerala's k-rail project in Alamcode, Thiruvananthapuram, News, Protesters, Police, Arrested, Kerala.