നടൻ അല്ലു അർജുൻ നായകനായ 'പുഷ്പ: ദി റൈസ്' ഈ വർഷത്തെ ഏറ്റവും വലിയ വിജയ ചിത്രങ്ങളിലൊന്നാണ്. മനം കവരുന്ന ഗാനങ്ങളും ആക്ഷനുകളുമായി ചിത്രം ആരാധകർക്കിടയിൽ ഹിറ്റായി മാറിക്കഴിഞ്ഞിട്ടുണ്ട്. ഇതിലെ 'ശ്രീവല്ലി' എന്ന ഗാനത്തിന് 'പുഷ്പ' പോലെ നൃത്തം ചെയ്താണ് വാർനർ ആരാധകരെ കയ്യിലെടുത്തത്. വാർനർ തന്റെ ഇൻസ്റ്റാഗ്രാം റീൽസിൽ പങ്കിട്ട വീഡിയോയിൽ, സൺഗ്ലാസ് ധരിച്ച്, ഗാനം പ്ലേ ചെയ്യുമ്പോൾ ശ്രീവല്ലിയിൽ നിന്ന് പുഷ്പയുടെ സൈഡ് വേർഡ് സ്റ്റെപ് ചെയ്യുന്നതായി കാണാം.
ചെരുപ്പൂരി പോകുന്നതും, താടി തടവുന്നതുമുള്‍പെടെയുള്ള അല്ലുവിന്റെ പ്രത്യേക ആക്ഷനുകളും വാര്‍ണര്‍ അനുകരിച്ചിട്ടുണ്ട്. 'അടുത്തതെന്ത്' എന്ന വാചകത്തോടെയാണ് വാർനർ വീഡിയോ പങ്കുവെച്ചത്. വീഡിയോയുടെ കമന്റിൽ നിരവധി ചിരിക്കുന്ന ഇമോജികളും ലൈകും പോസ്റ്റ് ചെയ്തുകൊണ്ടാണ് അല്ലു അർജുൻ വീഡിയോയോട് പ്രതികരിച്ചത്. നിരവധി പേരാണ് ക്രികെറ്റ് താരത്തെ അഭിനന്ദിച്ച് കൊണ്ട് കമന്റ് രേഖപ്പെടുത്തിയിരിക്കുന്നത്.
വാർനറുടെ ഈ വീഡിയോ കണ്ടതിന് ശേഷം, പുഷ്പ എന്ന ചിത്രത്തിലെ 'സാമി-സാമി' എന്ന ഗാനത്തിൽ ഭാര്യ കാൻഡിസിനൊപ്പം റീൽ ചെയ്യാൻ ആരാധകർ അഭ്യർഥിച്ചു. എന്നിരുന്നാലും, ആരാധകരുടെ ഈ ആവശ്യം അദ്ദേഹത്തിന്റെ പെൺമക്കൾ നിറവേറ്റി. ഇതിന്റെ വീഡിയോയും വാർനർ തന്റെ ഇൻസ്റ്റാഗ്രാം അകൗണ്ടിൽ പങ്കിട്ടു. ഇതിൽ അല്ലു അർജുന്റെ ‘സാമി-സാമി’ എന്ന ചിത്രത്തിലെ ഗാനത്തിന് അദ്ദേഹത്തിന്റെ പെൺമക്കൾ നൃത്തം ചെയ്യുന്നതായി കാണാം. ഈ വീഡിയോയ്‌ക്കൊപ്പം, അടിക്കുറിപ്പായി വാർനർ ഇങ്ങനെ എഴുതി - 'അമ്മയ്ക്കും അച്ഛനും മുമ്പ്, പെൺകുട്ടികൾ 'സാമി-സാമി' എന്ന ഗാനം പരീക്ഷിക്കാൻ ആഗ്രഹിച്ചിരുന്നു'.
ആഷസ് സീരീസ് അവസാനിച്ചതിന് ശേഷം പുഷ്പ ചിത്രത്തിലെ ഗാനത്തെക്കുറിച്ച് ഒരു റീൽ പങ്കിടുമെന്ന് വാർനർ ആരാധകർക്ക് നേരത്തെ വാക്ക് നൽകിയിരുന്നു, സീരീസ് അവസാനിച്ചതിന് ശേഷം അദ്ദേഹം ആരാധകരുടെ ഈ ആഗ്രഹം നിറവേറ്റി. ഇൻഡ്യൻ പ്രീമിയർ ലീഗിൽ സൺറൈസേഴ്‌സ് ഹൈദരാബാദ് ടീമിനൊപ്പമുള്ള സമയത്താണ് ഡേവിഡ് ഇൻഡ്യൻ സിനിമയോട്-പ്രത്യേകിച്ച് തെലുങ്ക് സിനിമകളോട് ഇഷ്ടം വളർത്തിയത്. തന്റെ വീഡിയോകളിലൂടെ വലിയൊരു ക്രികെറ്റ് ഇതര ആരാധകവൃന്ദത്തെ അദ്ദേഹം വളർത്തിയെടുത്തു.
Keywords: New Delhi, India, News, Social Media, Viral, Cricket, Player, Australia, Instagram, Tollywood, Bollywood, Actor, Video, Allu Arjun, Pushpa, Pushpa The Rise, David Warner and his daughters video on Allu Arjun Film created buzz on social media.< !- START disable copy paste -->