കാറില്നിന്നും വീണ 2 വയസുകാരന് ദാരുണാന്ത്യം; അപകടം വാഹനം പിന്നോട്ടെടുക്കുന്നതിനിടെ ഡോര് തുറന്നപ്പോള്
Dec 13, 2021, 17:50 IST
ADVERTISEMENT
വയനാട്: (www.kvartha.com 13.12.2021) കാറില്നിന്നും വീണ രണ്ട് വയസുകാരന് ദാരുണാന്ത്യം. കമ്മന കുഴിക്കണ്ടത്തില് രഞ്ജിത്തിന്റെയും ഐശ്വര്യയുടെയും ഇളയ മകന് സ്വാതിക് ആണ് മരിച്ചത്. അപകടത്തില് രഞ്ജിത്തിന്റെ മൂത്ത മകനും കൈക്ക് പരിക്കേറ്റു.
കഴിഞ്ഞ ദിവസം വൈകുന്നേരം അഞ്ചര മണിയോടെയായിരുന്നു സംഭവം. രഞ്ജിത്ത് കുടുംബസമേതം മാനന്തവാടി ടൗണിലേക്ക് പോകാനായി കാര് പിന്നോട്ടെടുക്കുന്നതിനിടെ ഡോര് തുറക്കുകയയും കുട്ടികള് പുറത്തേയ്ക്ക് തെറിച്ച് വീഴുകയുമായിരുന്നു എന്നാണ് പ്രാഥമിക വിവരം.
കുട്ടികളെ മാനന്തവാടിയിലെ വയനാട് മെഡികല് കോളജ് ആശുപത്രിയില് എത്തിച്ചപ്പോഴേക്കും ഗുരുതരമായി പരിക്കേറ്റ ഇളയക്കുട്ടി മരിച്ചിരുന്നു. മൂത്ത കുട്ടിക്ക് ചികിത്സ നല്കി വിട്ടയച്ചു. സ്വാതികിന്റെ മൃതദേഹം മോര്ചറിയില് സൂക്ഷിച്ചിരിക്കുകയാണ്.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
