മാനികാവ് വിക്രംനഗര്‍ സ്വദേശി ദാമോദരനെ മരിച്ചനിലയില്‍ കണ്ടെത്തിയ സംഭവത്തിലാണ് പൊലീസ് ഭാര്യ ലക്ഷ്മിക്കുട്ടിയെ സംശയിക്കുന്നത്. കുടുംബ വഴക്കിനെ തുടര്‍ന്നുണ്ടായ വാക്കുതര്‍ക്കത്തിനിടെ ലക്ഷ്മിക്കുട്ടി ദാമോദരനെ പട്ടിക കൊണ്ട് തലയ്ക്ക് അടിച്ച് കൊലപ്പെടുത്തിയതാണെന്ന് സംശയിക്കുന്നതായാണ് പൊലീസ് പറയുന്നത്.
ദാമോദരനെ കഴിഞ്ഞ ബുധനാഴ്ച രാത്രിയാണ് വീടിന് സമീപത്തെ പണിശാലയില്‍ ദുരൂഹ സാഹചര്യത്തില്‍ മരിച്ച നിലയില്‍ കണ്ടെത്തിയത്. കഴിഞ്ഞ 15 വര്‍ഷത്തോളമായി ലക്ഷ്മിക്കുട്ടിയും ദാമോദരനും തമ്മില്‍ അഭിപ്രായ വ്യത്യാസങ്ങളും തര്‍ക്കങ്ങളും നിലനിന്നിരുന്നതായി ബന്ധുക്കള്‍ പറയുന്നു.
ലക്ഷ്മിക്കുട്ടി തലയ്ക്കും കൈക്കും പരിക്കേറ്റ് മൂന്ന് ദിവസമായി ബത്തേരി താലൂക് ആശുപത്രിയില്‍ ചികിത്സയിലാണ്. പൊലീസ് നിരീക്ഷണത്തില്‍ ആശുപത്രിയില്‍ കഴിയുന്ന ഇവരെ ഉടന്‍ തന്നെ കസ്റ്റഡിയിലെടുത്ത് ചോദ്യം ചെയ്യുമെന്ന് പൊലീസ് പറഞ്ഞു.
Keywords: Police doubts wife in death of husband in Wayanad, Wayanad, News, Local News, Police, Dead Body, Kerala.