അതിനിടെ പരാമർശത്തിൽ പ്രതിഷേധിച്ച് മുൻ കോൺഗ്രസ് എംഎൽഎയും ഛത്തീസ്ഗഢ് ഗൗ സേവാ ആയോഗ് ചെയർമാനുമായ മഹന്ത് രാംസുന്ദർ ദാസ് വേദിയിൽ നിന്ന് ഇറങ്ങിപ്പോയി. മഹാത്മാഗാന്ധി രാജ്യത്തിന് വേണ്ടി തന്റെ ജീവൻ ബലിയർപിച്ചെന്നും ഇത്തരം അധിക്ഷേപകരമായ ഭാഷ ഉപയോഗിക്കാനാവില്ലെന്നും അദ്ദേഹം ദേഷ്യത്തോടെ പ്രതികരിച്ചു.
'രാഷ്ട്രീയത്തിലൂടെ രാഷ്ട്രം പിടിച്ചെടുക്കുക എന്നതാണ് ഇസ്‌ലാമിന്റെ ലക്ഷ്യം. നമ്മുടെ കൺമുന്നിൽ 1947-ൽ (വിഭജനത്തെ പരാമർശിച്ച്) അവർ പിടിച്ചെടുത്തിരുന്നു. ഇറാൻ, ഇറാഖ്, അഫ്ഗാനിസ്താൻ എന്നിവ അവർ നേരത്തെ പിടിച്ചടക്കിയിരുന്നു. അവർ രാഷ്ട്രീയത്തിലൂടെ ബംഗ്ലാദേശും പാകിസ്താനും പിടിച്ചെടുത്തു. മോഹൻദാസ് കരംചന്ദ് ഗാന്ധി രാജ്യം നശിപ്പിച്ചു. അദ്ദേഹത്തെ കൊന്ന നാഥുറാം ഗോഡ്‌സെക്ക് അഭിവാദ്യങ്ങൾ' - എന്നായിരുന്നു കാളീചരൺ മഹാരാജ് പറഞ്ഞത്.
പരാമർശം വിവാദമായതോടെ കാളീചരൺ മഹാരാജിനെതിരെ മണിക്കൂറുകൾക്കകം ഛത്തീസ്ഗഢ് പൊലീസ് കേസെടുത്തു. കോൺഗ്രസ് നേതാവും മുൻ മേയറുമായ പ്രമോദ് ദുബെ നൽകിയ പരാതിയുടെ അടിസ്ഥാനത്തിലാണ് ഐ പി സി 505 (രണ്ട്), 294 വകുപ്പുകൾ പ്രകാരം എഫ് ഐ ആർ റെജിസ്റ്റർ ചെയ്തത്.
മഹാത്മാഗാന്ധിക്കെതിരായ ഇത്തരം പ്രസ്താവനകൾ സ്വീകാര്യമല്ലെന്ന് ഛത്തീസ്ഗഡ് മുഖ്യമന്ത്രി ഭൂപേഷ് ബാഗേൽ പ്രതികരിച്ചു. ഞങ്ങൾ അതിനെ അപലപിക്കുന്നു. ഭരണകൂടം നിയമപ്രകാരം കർശന നടപടി സ്വീകരിക്കുമെന്നും അദ്ദേഹം പറഞ്ഞു. അതേസമയം പരിപാടിയുടെ സംഘാടകനായ നീലകണ്ഠ് ത്രിപാഠി, കാളീചരണിന്റെ പ്രസ്താവനയോട് വിയോജിപ്പ് രേഖപ്പെടുത്തി.
Keywords: Kerala, News, Top-Headlines, National, Maharashtra, Religion, Mahatma Gandhi, Kerala, News, Top-Headlines, National, Maharashtra, Religion, Chhattisgarh, Chief Minister, Police case filed against Hindu religious leader.
< !- START disable copy paste -->