വാഹനങ്ങൾ അപകടകരമാം വിധം പാത മുറിച്ചുകടക്കുന്ന വീഡിയോ ദൃശ്യങ്ങൾ പുറത്തുവിട്ട് അബുദബി പൊലീസ്; നിയമ ലംഘകർക്ക് പിഴ മുന്നറിയിപ്പ്; വീഡിയോ കാണാം

അബുദബി: (www.kvartha.com 19.12.2021) വാഹനങ്ങൾ അപകടകരമാം വിധം പാത മുറിച്ചുകടക്കുന്ന ദൃശ്യങ്ങൾ പുറത്തുവിട്ട് അബുദബി പൊലീസ്. നിരീക്ഷണ ക്യാമറകളിൽ നിന്നുള്ള ദൃശ്യങ്ങളാണ് പങ്കുവെച്ചിട്ടുള്ളത്. സ്പീഡ് ട്രാകിൽ നിന്ന് എക്സിറ്റ് പാതയിലേക്ക് വാഹനങ്ങൾ അശ്രദ്ധമായി വെട്ടിമാറ്റുന്നത് വീഡിയോയിൽ കാണാം.

 
വീഡിയോ സാമൂഹ്യ മാധ്യമങ്ങളിൽ പങ്കുവെച്ചുകൊണ്ട്, ഈ രീതി അപകടങ്ങൾക്കും ആളപായത്തിനും കാരണമാകുമെന്ന് പൊലീസ് പറഞ്ഞു. നിയമലംഘനത്തിന് 400 ദിർഹമാണ് പിഴയെന്നും പൊലീസ് മുന്നറിയിപ്പ് നൽകി.

അബുദബിയിലെ ഗുരുതരമായ വാഹന അപകടങ്ങളുടെ പ്രധാന കാരണങ്ങൾ ഈ വർഷം ആദ്യം പൊലീസ് വെളിപ്പെടുത്തിയിരുന്നു. അശ്രദ്ധമായ ഡ്രൈവിംഗ്, പെട്ടെന്നുള്ള വളവ്, വ്യക്തതയില്ലാതെ റോഡിലേക്ക് പ്രവേശിക്കൽ, അമിതവേഗത തുടങ്ങിയവ അപകടത്തിന് കാരണമാകുന്നതായി പൊലീസ് ചൂണ്ടിക്കാട്ടിയിരുന്നു. പാതയിലെ അച്ചടക്കരാഹിത്യവും അശ്രദ്ധയും എത്രമാത്രം അപകടം വിളിച്ചുവരുത്തുന്നുവെന്ന് പുതിയ ദൃശ്യങ്ങൾ കാണിച്ചു തരുന്നു.

< !- START disable copy paste -->

#أخبارنا |#شرطة_أبوظبي تحث السائقين على الالتزام "بخط السير الإلزامي"

التفاصيل : https://t.co/KFgon4sqsC#أخبار_شرطة_أبوظبي pic.twitter.com/qgc8wWoVmI

— شرطة أبوظبي (@ADPoliceHQ) December 19, 2021

 

Keywords: News, Top-Headlines, Gulf, UAE, Abu Dhabi, Police, Fine, Car, Vehicles, Road, Accident, New video released by Abu Dhabi police.