മുല്ലപ്പെരിയാർ അണക്കെട്ടിന്റെ തമിഴ്നാടിന്റെ അവകാശം തിരികെ നൽകണമെന്ന് ആവശ്യപ്പെട്ട് കർഷകസംഘം കേരള-തമിഴ്നാട് അതിർത്തി ഉപരോധിച്ചു
Nov 2, 2021, 12:15 IST
കമ്പം: (www.kvartha.com 02.11.2021) മുല്ലപ്പെരിയാർ അണക്കെട്ടിന്റെ തമിഴ്നാടിന്റെ അവകാശം തിരികെ നൽകണമെന്ന് ആവശ്യപ്പെട്ട് പെരിയാർ വൈഗൈ ഇറിഗേഷൻ അഞ്ച് ജില്ലാ കർഷകസംഘം കേരള-തമിഴ്നാട് അതിർത്തി ഉപരോധിച്ചു. മുല്ലപ്പെരിയാർ അണക്കെട്ടിൽ ജലനിരപ്പ് 142 അടിയായി ഉയർത്തുന്നതിനെ എതിർക്കുന്ന കേരള സർകാരിന്റെ നിലപാടിൽ പ്രതിഷേധിച്ചായിരുന്നു ഉപരോധം.
< !- START disable copy paste -->
അണക്കെട്ട് വിഷയത്തിൽ തമിഴ്നാടിന്റെ അവകാശം തിരിച്ചുകിട്ടണമെന്നാവശ്യപ്പെട്ട് തമിഴ്നാട്ടിൽ നിന്ന് കേരളത്തിലേക്കുള്ള പാതകൾ ഉപരോധിക്കാനും പ്രതിഷേധം സംഘടിപ്പിക്കാനും തീരുമാനിച്ചിരുന്നു. ഇതേ തുടർന്ന് അഞ്ച് ജില്ലാ കർഷകസംഘം സംസ്ഥാന പ്രസിഡന്റ് എസ് ആർ തേവരുടെ നേതൃത്വത്തിൽ കർഷകർ പ്രതിഷേധ പ്രകടനമായി കുമളി റോഡിലേക്ക് എത്തി.
റോഡിൽ കുത്തിയിരുന്ന രണ്ട് പേരെ പൊലീസ് കസ്റ്റഡിയിലെടുത്തതോടെ കർഷകരും അധികൃതരും തമ്മിൽ വാക്കേറ്റമുണ്ടായി. ഉത്തമപാളയം അസിസ്റ്റന്റ് കലക്ടർ അർജുനൻ, തേനി ജില്ലാ കലക്ടർ കെ വി മുരളീധരനെ ഫോണിൽ ബന്ധപ്പെട്ടു. പ്രതിഷേധക്കാരോട് കലക്ട്രേറ്റിൽ എത്താൻ ആവശ്യപ്പെട്ടു. തുടർന്ന് സമര പരിപാടികൾ അവസാനിപ്പിച്ച് കർഷകർ കലക്ട്രേറ്റിൽ എത്തി.
സമരത്തിൽ കർഷക സംഘം ജനറൽ സെക്രടറി പൊൻകാച്ചി കണ്ണൻ, ഡെപ്യൂടി സെക്രടറി ലോഗനാഥൻ, കോഓർഡിനേറ്റർ അൻവർ ബാലശിങ്കം തുടങ്ങി അനവധി പേർ പങ്കെടുത്തു.
Keywords: Kerala, Tamilnadu, Mullaperiyar Dam, Mullaperiyar, Farmers, Border, Government, Top-Headlines, Kumali, Police, Custody, District Collector, Farmers blockade Kerala-Tamil Nadu border demanding return of Mullaperiyar Dam rights to Tamil Nadu.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
