ഗുരുഗ്രാം: (www.kvartha.com 28.10.2021) ഒരു വര്‍ഷത്തിനിടെ യുവതി നല്‍കിയത് ഏഴ് പേര്‍ക്കെതിരെയുള്ള ലൈംഗിക പീഡന പരാതി. സംഭവത്തില്‍ പ്രത്യേക അന്വേഷണം വേണമെന്ന നിര്‍ദേശം നല്‍കി ഹരിയാന വനിതാ കമിഷന്‍. പരാതിയില്‍ പ്രത്യേക സംഘത്തെ നിയോഗിച്ച് അന്വേഷണം നടത്തി സത്യാവസ്ഥ പുറത്തുകൊണ്ടുവരണമെന്ന് കാട്ടി വനിതാ കമിഷന്‍ അധ്യക്ഷ പ്രീത ഭരദ്വാജ് ദലാല്‍ ഡിജിപിക്കും മുഖ്യമന്ത്രിക്കും കത്ത് നല്‍കി.
ഒരു വര്‍ഷത്തിനിടയില്‍ ഒരേ യുവതി തന്നെ ഏഴ് പുരുഷന്‍മാരുടെ പേരില്‍ ലൈംഗിക പീഡന പരാതി നല്‍കിയതാണ് സംശയത്തിന് ഇടയാക്കിയത്. പല ദിവസങ്ങളിലായി ഗുരുഗ്രാമിലെ വ്യത്യസ്ത പൊലീസ് സ്റ്റേഷനുകളിലാണ് യുവതി പരാതി നല്‍കിയിരിക്കുന്നത്. ഡിഎല്‍എഫ് ഫേസ് മൂന്ന് പൊലീസ് സ്റ്റേഷനിലാണ് ഒടുവില്‍ യുവതി പീഡന പരാതി നല്‍കിയത്. ഈ പരാതിയിലും പൊലീസ് അന്വേഷണം നടത്തി വരികയാണ്.
വിവാഹ വാഗ്ദാനം നല്‍കി പീഡിപ്പിച്ചെന്നാണ് എല്ലാ പരാതിയിലും യുവതി പറഞ്ഞിരിക്കുന്നത്. പരാതികളില്‍ രണ്ടെണ്ണം വ്യാജമാണെന്ന് പൊലീസ് കണ്ടെത്തുകയും ചെയ്തിട്ടുണ്ട്. ഈ സംഭവത്തിന് ശേഷവും യുവതി നിരവധി പരാതികള്‍ നല്‍കിയതോടെയാണ് അന്വേഷണം വേണമെന്ന ആവശ്യമുയര്‍ന്നത്.
Keywords: Gurugram: Woman registers 7 molest cases against 7 different men, News, Local News, Complaint, Molestation, Probe, Police, National.