വീട്ടുമുറ്റത്ത് ഓമനിച്ച് വളര്‍ത്തിയത് കഞ്ചാവ് ചെടി; യുവാവ് എക്‌സൈസിന്റെ പിടിയില്‍
Sep 17, 2021, 12:44 IST
തിരുവനന്തപുരം: (www.kvartha.com 17.09.2021) യുവാവ് വീട്ടുമുറ്റത്ത് ഓമനിച്ച് വളര്‍ത്തിയത് കഞ്ചാവ് ചെടി. കഞ്ചാവ് നട്ട് പരിപാലിച്ച് വന്നിരുന്ന യുവാവിനെ എക്‌സൈസ് കയ്യോടെ പൊക്കി. തിരുവനന്തപുരം ജില്ലയിലെ ആര്യനാട് ആണ് സംഭവം. കാപ്പിക്കാട് സ്വദേശി വിജിന്‍ദാസാണ് കഞ്ചാവ് ചെടി വളര്‍ത്തിയതിന് പിടിയിലായത്.
എക്‌സൈസ് സംഘത്തിന് കിട്ടിയ രഹസ്യവിവരത്തെ തുടര്‍ന്ന് പരിശോധിച്ചപ്പോഴാണ് വീട്ടില്‍ കഞ്ചാവ് ചെടി വളര്‍ത്തുന്നത് കണ്ടെത്തിയത്. എക്‌സൈസ് സംഘത്തെ കൂസലില്ലാതെയാണ് യുവാവ് വീട്ടുമുറ്റത്ത് തന്നെ വളര്‍ത്താന്‍ മുതിര്‍ന്നത്. പരിസരവാസികള്‍പ്പോലും യുവാവ് കഞ്ചാവ് ചെടി വളര്‍ത്തുന്നത് അറിഞ്ഞിരുന്നില്ല. 2 മാസത്തോളമായി ഇയാള്‍ വീടിന്റെ മുന്‍ വശത്തായി കഞ്ചാവ് ചെടി വളര്‍ത്തി വരികയായിരുന്നുവെന്ന് എക്‌സൈസ് സംഘം പറഞ്ഞു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
