പാലാ ബിഷപ് മാര്‍ ജോസഫ് കല്ലറങ്ങാട്ട് ഉയര്‍ത്തിവിട്ട നര്‍കോടിക് ജിഹാദ് വിഷയം കേരളത്തില്‍ പലവിധത്തിലുള്ള ചര്‍ചകളിലേക്കും വഴിവച്ചിരുന്നു. അനുകൂലിച്ചും എതിര്‍ത്തും വിവിധ മേഖലകളിലുള്ളവര്‍ രംഗത്തെത്തി. ഇതിന് പിന്നാലെയാണ് വിഷയത്തില്‍ ഇടപെട്ട് പരിഹാസവുമായി സ്വാമി സന്ദീപാനന്ദ ഗിരിയും രംഗത്തെത്തിയിരിക്കുന്നത്. തന്റെ ഫേസ്ബുക്ക് പോസ്റ്റിലൂടെയാണ് അദ്ദേഹത്തിന്റെ പരിഹാസം.
പോസ്റ്റ് ഇങ്ങനെ;
'മയക്കു മരുന്നും കഞ്ചാവും മറ്റും ഉപയോഗിക്കുന്നവര്‍ കഴിവതും സ്വന്തം മതത്തില്‍ പെട്ടവരില്‍ നിന്ന് തന്നെ വാങ്ങി ഉപയോഗിക്കേണ്ടതാണ്. മറ്റ് മതക്കാരുടെ കയ്യീന്ന് വാങ്ങിച്ചു വെറുതേ വര്‍ഗീയ പ്രശ്‌നം ഉണ്ടാക്കരുത്.' പരിഹാസത്തോടെ അദ്ദേഹം കുറിച്ചു.
അതേസമയം നര്‍കോട്ടിക് ജിഹാദ് വിഷയത്തില്‍ ബിഷപ് സഹായം ചോദിച്ചാല്‍ തീര്‍ച്ചയായും ഇടപെടുമെന്ന് നടന്‍ സുരേഷ്‌ഗോപി എംപിയും വ്യക്തമാക്കി. അല്ലാതെ ഓടിച്ചെന്ന് മൈകെടുത്ത് ഐക്യദാര്‍ഢ്യം പ്രഖ്യാപിക്കുന്ന രാഷ്ട്രീക്കാരനല്ല താനെന്നും എല്ലാ വിഷയങ്ങളും പ്രധാനമന്ത്രി നരേന്ദ്രമോദി ആരും അറിയിക്കാതെ തന്നെ മനസിലാക്കുന്നുണ്ടെന്നും സുരേഷ്‌ഗോപി പ്രതികരിച്ചു.
Keywords: Swami Sandeepananda Giri facebook post against narcotics, Thiruvananthapuram, News, Religion, Criticism, Trending, Facebook Post, Kerala.