മരണപ്പെട്ടവരുടെ ബന്ധുക്കള്‍ രേഖാമൂലം ജില്ലാ കലക്ടര്‍ക്കാണ് അപേക്ഷ നല്‍കേണ്ടത്. കേന്ദ്രസർകാരിന്റെ മാനദണ്ഡ പ്രകാരം കമിറ്റി കോവിഡ് മരണം തീരുമാനിക്കും. ഇതിന് ശേഷം തദ്ദേശ സ്ഥാപനങ്ങളില്‍നിന്ന് ലഭിക്കുന്ന മരണ സെര്‍ടിഫികറ്റിന്‍റെ നമ്പര്‍ ഉള്‍പെടുത്തി, സര്‍കാരിന്‍റെ ഇ-ഹെല്‍ത് സംവിധാനം ഉപയോഗിച്ച്‌ അപേക്ഷ സമര്‍പിക്കണം. അപേക്ഷയില്‍ 30 ദിവസത്തിനുള്ളില്‍ തീരുമാനം എടുക്കണമെന്നും നിര്‍ദേശമുണ്ട്‌. ഒക്ടോബർ 10 മുതൽ ഓൺലൈനായി അപേക്ഷകൾ സ്വീകരിച്ചുതുടങ്ങും.
എല്ലാ രേഖകളും പ്രത്യേകസമിതി പരിശോധിച്ച ശേഷമായിരിക്കും കോവിഡ് മരണം തീരുമാനിക്കുക. മരണപ്പെട്ടവരുടെ കുടുംബാംഗങ്ങള്‍ക്ക് 50,000 രൂപയാണ് നഷ്ടപരിഹാരം ലഭിക്കുക. ഇതു സംബന്ധിച്ച ഉത്തരവ് കഴിഞ്ഞ ദിവസം ഇറങ്ങിയിരുന്നു. നഷ്ടപരിഹാരത്തുക സംസ്ഥാന ദുരന്ത നിവാരണ വകുപ്പാണ് വിതരണം ചെയ്യുന്നത്. നേരത്തെ രേഖപ്പെടുത്താത്ത മരണങ്ങള്‍ പ്രത്യേക പട്ടികയില്‍ ഉള്‍പെടുത്തും. കോവിഡ് പോസിറ്റീവായിരിക്കെ ആത്മഹത്യ ചെയ്തവരുടെ മരണവും കോവിഡ് മരണമായി കണക്കാക്കണമെന്ന് നേരത്തേ സുപ്രീംകോടതി നിര്‍ദേശിച്ചിരുന്നു. പട്ടികയില്‍ ഉള്ളവരുടെ വിവരങ്ങള്‍ അറിയാന്‍ ഡെത് ഇന്‍ഫര്‍മേഷന്‍ പോർടലിൽ സൗകര്യമുണ്ട്.
Keywords: Kerala, Thiruvananthapuram, News, COVID-19, Death, Online, Government, Govt issues new guidelines for Covid death compensation.
< !- START disable copy paste -->