സംസ്ഥാന സര്‍കാരിന്റെ നൂറുദിന കര്‍മ പദ്ധതികളുടെ ഭാഗമായി തിരൂര്‍ ജില്ലാ ആശുപത്രിയിലേതുള്‍പെടെ ജില്ലയിലെ ആരോഗ്യ മേഖലയിലെ 106 പദ്ധതികളുടെ ഉദ്ഘാടനമാണ് മന്ത്രി ഇന്ന് നിര്‍വഹിക്കുന്നത്. തിരൂര്‍ എംഎല്‍എ കുറുക്കോളി മൊയ്തീന്റെ അധ്യക്ഷതയില്‍ ആശുപത്രിയില്‍ നടക്കുന്ന പരിപാടിയില്‍ ഇടി മുഹമ്മദ് ബശീര്‍ എംപി, ജില്ലാ കലക്ടര്‍ വി ആര്‍ പ്രേംകുമാര്‍ എന്നിവര്‍ മുഖ്യാതിഥികളാകും.
തിരൂര്‍ ജില്ലാ ആശുപത്രിയില്‍ രണ്ട് കോടിയോളം രൂപ ചെലവഴിച്ചാണ് ലക്ഷ്യ പ്രോഗ്രാമിന്റെ ഭാഗമായി കെട്ടിട നിര്‍മാണം പൂര്‍ത്തീകരിച്ചത്. 2018-2019 വര്‍ഷത്തെ പദ്ധതി പ്രകാരം കെ ഇ എല്‍ ഏറ്റെടുത്ത് 2019 അവസാനത്തിലാണ് നിര്‍മാണം ആരംഭിച്ചത്.
പദ്ധതി പ്രകാരം നിലവില്‍ മൂന്നു നിലകളായി പ്രവര്‍ത്തിക്കുന്ന സ്ത്രീകളുടെയും കുട്ടികളുടെയും ബ്ലോകിന് മുകളില്‍ നാലാമത് ഒരു നിലയും അതിലേക്കുള്ള റാമ്പും ഈ നിലകളിലേക്കെല്ലാമായി ലിഫ്റ്റ് സ്ഥാപിക്കലും ലക്ഷ്യ സ്റ്റാന്‍ഡേര്‍ഡ് പ്രകാരം കേന്ദ്രീകൃത ഓക്സിജെന്‍ സൗകര്യം ഒരുക്കലുമാണ് ഉള്‍പെട്ടിട്ടുള്ളത്.
Keywords: Kerala, News, Hospital, Malappuram, District Collector, Children, Women, Construction of Maternal and Child Block at Tirur District Hospital completed.