ന്യൂഡെല്‍ഹി: (www.kvartha.com 22.09.2021) എ ഐ എം ഐ എം നേതാവും ഹൈദരാബാദ് എംപിയുമായ അസദുദ്ദീന്‍ ഒവൈസിയുടെ ഡെല്‍ഹിയിലെ വീടിന് നേരെ ആക്രമണം നടത്തിയെന്ന കേസില്‍ അഞ്ച് പേര്‍ അറസ്റ്റില്‍. ഹിന്ദു സേനയുടെ പ്രവര്‍ത്തകരെന്ന് അവകാശപ്പെടുന്നവരാണ് ഒവൈസിയുടെ വീട് ആക്രമിച്ചതെന്ന് ന്യൂ ഡെല്‍ഹി ഡി സി പി ദീപക് യാദവ് പറഞ്ഞു.
സംഭവസ്ഥലത്തുവച്ചാണ് അഞ്ച് പ്രതികളെ പിടികൂടിയതെന്നും ഒവൈസിയുടെ പ്രസ്താവനകളില്‍ പ്രകോപിതരായാണ് ആക്രമണം നടത്തിയതെന്ന് ഇവര്‍ പറഞ്ഞുവെന്നും ദീപക് യാദവ് പറഞ്ഞു. ചോദ്യംചെയ്യല്‍ തുടരുകയാണെന്നും അദ്ദേഹം പറഞ്ഞു. അശോക റോഡിലെ വീടിന് നേരെയാണ് ആക്രമണമുണ്ടായത്.
വീടിന് നേരെ ആക്രമണമുണ്ടായതായി പ്രദേശവാസികള്‍ അറിയിച്ചതിനെ തുടര്‍ന്നാണ് പൊലീസ് സ്ഥലത്തെത്തിയത്. അക്രമികള്‍ ഗെയ്റ്റ് കേടുവരുത്തുകയും വീടിന്റെ ചില്ലുകള്‍ ഉടയ്ക്കുകയും ചെയ്തിരുന്നു. ഇതിന്റെ ദൃശ്യങ്ങള്‍ പുറത്തുവന്നു.
Keywords: News, National, India, New Delhi, Attack, Case, Accused, Arrested, Police, Politics, AIMIM chief Asaduddin Owaisi’s home in Delhi vandalized, five men arrestedआज कुछ उग्रवादी गुंडों ने मेरे दिल्ली के मकान पर तोड़-फोड़ की।इनकी बुज़दिली के चर्चे तो वैसे ही आम हैं।हमेशा की तरह, इनकी वीरता सिर्फ़ झुंड में ही दिखाई देती है।वक्त भी ऐसा चुना जब मैं घर पर नहीं था। गुंडों के हाथों में कुल्हाड़ियाँ और लकड़ियाँ थीं, घर पर पत्थर बाज़ी की गयी। 1/n pic.twitter.com/bwIAdnt43S
— Asaduddin Owaisi (@asadowaisi) September 21, 2021