ADVERTISEMENT
കൊച്ചി: (www.kvartha.com 13.09.2021) നടനും ഡബിങ് ആര്ടിസ്റ്റുമായിരുന്ന റിസബാവ അന്തരിച്ചു. 54 വയസായിരുന്നു. കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം. വൃക്ക സംബന്ധമായ അസുഖത്തെ തുടര്ന്ന് അദ്ദേഹത്തെ ആശുപത്രിയില് പ്രവേശിപ്പിച്ചിരിക്കുകയായിരുന്നു. തുടര്ന്ന് ആരോഗ്യനില മോശമായതിനാല് വെന്റിലേറ്ററിലേക്ക് മാറ്റി. പ്രൊഡക്ഷന് കണ്ട്രോളര് ബാദുഷയാണ് തന്റെ ഫേസ്ബുക്ക് പേജിലൂടെ ഇക്കാര്യം അറിയിച്ചത്.
1990-ല് റിലീസായ ഇന് ഹരിഹര് നഗര് എന്ന സിനിമയിലെ ജോണ് ഹോനായി എന്ന വില്ലന് വേഷത്തിലൂടെയാണ് റിസബാവ മലയാള സിനിമയില് ശ്രദ്ധേയനായത്. 1966 സെപ്റ്റംബര് 24 ന് കൊച്ചിയില് ജനിച്ച റിസബാവയുടെ പ്രാഥമിക വിദ്യാഭ്യാസം തോപ്പുംപടി സെന്റ് സെബാസ്റ്റ്യന് സ്കൂളിലായിരുന്നു.
നാടകവേദികളിലൂടെയാണ് സിനിമാരംഗത്ത് പ്രവേശിച്ചത്. 1984-ല് വിഷുപ്പക്ഷി എന്ന ചിത്രത്തിലൂടെയാണ് അഭിനയരംഗത്ത് എത്തിയതെങ്കിലും ഈ ചിത്രം റിലീസായില്ല. 1990-ല് റിലീസായ ഡോക്ടര് പശുപതി എന്ന സിനിമയില് അഭിനയിച്ചു. നൂറിലേറെ സിനിമകളില് വില്ലന് വേഷങ്ങളിലും സ്വഭാവ നടനായും അഭിനയിച്ചു. ടെലിവിഷന് പരമ്പരകളിലും റിസബാവ സജീവമായിരുന്നു.
ഡബിങ് ആര്ടിസ്റ്റ് കൂടിയായിരുന്ന റിസബാവ ഈയിടെ ഇറങ്ങിയ മമ്മൂട്ടി ചിത്രമായ വണിലും അഭിനയിച്ചിരുന്നു. കര്മയോഗി എന്ന ചിത്രത്തില് തലൈവാസല് വിജയ്ക്ക് ശബ്ദം നല്കിയ റിസബാവയ്ക്ക് സംസ്ഥാന ചലച്ചിത്ര പുരസ്കാരവും ലഭിച്ചു.
Keywords: Actor Riza Bava dies, departed was handsome hero of Malayalam films, Kochi, News, Dead, Obituary, Hospital, Treatment, Actor, Cinema, Kerala.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
