‘പെട്രോൾ വിലയിൽ സെഞ്ചുറിയടിച്ചു കേന്ദ്ര സർകാർ, സംസ്ഥാന നികുതി കുറയ്ക്കാതെ കേരള സർകാർ. ചക്കിക്കൊത്ത ചങ്കരൻ എന്നല്ലാതെ എന്തു പറയാൻ. ശക്തമായി പ്രതിഷേധിക്കുന്നു.’ അദ്ദേഹം കുറിച്ചു.
കേന്ദ്ര സർകാരിന്റെ ലക്ഷദ്വീപ് നയങ്ങൾക്കെതിരെ കൊച്ചിയിൽ ലക്ഷദ്വീപ് അഡ്മിനിസ്ട്രേഷന്റെ കാര്യാലയത്തിനു മുൻപിൽ എംപിമാരുടെ നിൽപ്പു സമരത്തിൽ പങ്കെടുത്ത് മടങ്ങുമ്പോഴാണു പ്രീമിയം പെട്രോൾ വില സംസ്ഥാനത്തെ ചിലയിടങ്ങളിൽ 100 കടന്നതായി അറിഞ്ഞത്. ആ സമയത്ത് ഹോടെലിന് സമീപത്തെത്തിയിരുന്നു എംപി.
‘സെഞ്ചുറിയടിച്ചല്ലോ’ എന്നു കൂടെയുള്ള യൂത് കോൺഗ്രസ് സംസ്ഥാന സെക്രടറി നോയൽ ടോമിൻ ജോസഫ്, യൂത് കോൺഗ്രസ് ജില്ലാ വൈസ് പ്രസിഡന്റ് മനാഫ് നുള്ളിപ്പാടി എന്നിവർ പറഞ്ഞപ്പോൾ ഒരു ഹെൽമറ്റ് കിട്ടിയിരുന്നെങ്കിൽ പ്രതിഷേധിക്കാമായിരുന്നെന്നായി എംപി. എന്നാൽ താമസിക്കുന്ന ഹോടെലിൽ ചോദിച്ചപ്പോൾ ഹോടെൽ മാനേജറുടെ സ്കൂടെറും റെഡി.വാഹനത്തിനടുത്ത് ചെന്ന് ഒരു കയ്യിലെ ഹെൽമെറ്റും മറുകയ്യും മുകളിലേക്കുയർത്തി അദ്ദേഹം ചിത്രത്തിന് പോസ് ചെയ്തു.
ലക്ഷദ്വീപ് ജനതയോടു കേന്ദ്ര സർകാർ കടുത്ത അനീതിയാണ് കാണിക്കുന്നതെന്നും അവിടെയുള്ള ജനതയുടെ സംസ്കാരത്തെ തകർത്ത് കുത്തക കമ്പനികൾക്ക് നേട്ടമുണ്ടാക്കാൻ മോദി സർകാർ ശ്രമിക്കുകയാണെന്നും പ്രതിഷേധ പരിപാടിയിൽ എംപി പറഞ്ഞു.
Keywords: Kasaragod, Kerala, News, MP, Petrol, Petrol Price, Protest, Prime Minister, Chief Minister, Century, Kasargod MP Rajmohan Unnithan protests Against petrol price hike.