മറയൂരില്‍ ലോക് ഡൗണ്‍ പരിശോധനയ്ക്കിടെ കല്ലുകൊണ്ട് തലയ്ക്കടിയേറ്റ പൊലീസുകാരന്റെ ചികിത്സാ ചെലവ് സര്‍കാര്‍ വഹിക്കും
Jun 5, 2021, 19:15 IST
ADVERTISEMENT
തൊടുപുഴ: (www.kvartha.com 05.06.2021) മറയൂരില്‍ ആക്രമണത്തിനിരയായ പൊലീസുകാരന്റെ ചികിത്സാ ചെലവ് സര്‍കാര്‍ വഹിക്കും. ഇടുക്കി മറയൂര്‍ സ്റ്റേഷനിലെ സിവില്‍ പൊലീസ് ഓഫിസര്‍ അജീഷ് പോളിന്റെ ചികിത്സാ ചെലവാണ് സര്‍കാര്‍ ഏറ്റെടുത്തത്. ലോക്ഡൗണ്‍ പരിശോധനയ്ക്കിടെയാണ് അജീഷ് പോളിനു തലയ്ക്കടിയേറ്റത്.
ഗുരുതരമായി പരുക്കേറ്റ് ചികിത്സയില്‍ കഴിയുന്ന അജീഷ് പോള്‍ അപകടനില തരണം ചെയ്‌തെങ്കിലും ഐസിയുവില്‍ തുടരുകയാണ്. ആശുപത്രി വിട്ടാലും ദീര്‍ഘകാലം ചികിത്സ തുടരേണ്ടി വരുമെന്നതിനാല്‍ സഹായിക്കണമെന്നായിരുന്നു കുടുംബത്തിന്റെ ആവശ്യം. ഈ ആവശ്യമാണ് സര്‍കാര്‍ ഏറ്റെടുത്തിരിക്കുന്നത്.
തിങ്കളാഴ്ച മറയൂര്‍ കോവില്‍ കടവില്‍ നടന്ന വാഹന പരിശോധനയ്ക്കിടെയാണ് അജീഷ് പോളിനെതിരെ ആക്രമണമുണ്ടായത്. മാസ്‌ക് ധരിക്കാതെ നിന്ന പ്രദേശവാസിയായ സുലൈമാനെ ചോദ്യം ചെയ്തതിനെ തുടര്‍ന്നു കല്ല് കൊണ്ട് തലയ്ക്കടിക്കുകയായിരുന്നു.
Keywords: Government will bear the medical expenses of the policeman who was attacked in Marayoor, Thodupuzha, News, Police, Attack, Hospital, Treatment, Injured, Family, Kerala.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
