സാമ്പത്തിക തട്ടിപ്പ് കേസില് സംവിധായകന് ശ്രീകുമാര് മേനോന് അറസ്റ്റില്
May 7, 2021, 10:10 IST
ആലപ്പുഴ: (www.kvartha.com 07.05.2021) സംവിധായകന് ശ്രീകുമാര് മേനോന് സാമ്പത്തിക തട്ടിപ്പുകേസില് അറസ്റ്റില്. ശ്രീവത്സം ഗ്രൂപ് എന്ന വ്യവസായ ഗ്രൂപാണ് ശ്രീകുമാര് മേനോനെതിരെ പരാതി നല്കിയത്. ശ്രീവത്സം ഗ്രൂപില് നിന്ന് ഒരു കോടി രൂപ തട്ടിയെടുത്തുവെന്നാണ് കേസ്. ആലപ്പുഴ സൗത്ത് പൊലീസാണ് ശ്രീകുമാര് മേനോനെ അറസ്റ്റ് ചെയ്തത്. വ്യാഴാഴ്ച രാത്രി പാലക്കാട്ടെ വീട്ടില് വെച്ചായിരുന്നു അറസ്റ്റ്.
സിനിമ നിര്മിക്കാമെന്ന് പറഞ്ഞാണ് ശ്രീവത്സം ഗ്രൂപില് നിന്നും ഇയാള് പണം വാങ്ങിയത്. പല തവണ ബന്ധപ്പെട്ടിട്ടും വിവരമൊന്നും നല്കാന് ശ്രീകുമാര് മേനോന് തയ്യാറായില്ല. ഇതോടെയാണ് ശ്രീവത്സം ഗ്രൂപ് പൊലീസില് പരാതി നല്കിയത്.
കേസില് ശ്രീകുമാര് മേനോന് മുന്കൂര് ശ്രമിച്ചിരുന്നുവെങ്കിലും കോടതി ഈ അപേക്ഷ തള്ളി. ഇതോടെയാണ് അറസ്റ്റുണ്ടായത്. ആലപ്പുഴ സൗത്ത് പൊലീസ് സ്റ്റേഷനിലുള്ള ഇയാളെ പൊലീസ് ചോദ്യം ചെയ്യുകയാണ്.
മോഹന്ലാല് നായകനായി അഭിനയിച്ച ഒടിയന് എന്ന ചിത്രത്തിന് പുറമെ നിരവധി പരസ്യ ചിത്രങ്ങളുടെ സംവിധായകനാണ് ശ്രീകുമാര് മേനോന്. സമൂഹമാധ്യമങ്ങളിലൂടെ അപമാനിക്കാന് ശ്രമിച്ചുവെന്ന നടി മഞ്ജു വാര്യര് നല്കിയ പരാതിയില് 2019 ല് ശ്രീകുമാര് മേനോനെ അറസ്റ്റ് ചെയ്തിരുന്നു.
നേരത്തേ മലയാളത്തിന്റെ പ്രിയപ്പെട്ട എഴുത്തുകാരന് എം ടി വാസുദേവന് നായര്, രണ്ടാമൂഴം എന്ന തന്റെ നോവലിന്റെ തിരക്കഥ ശ്രീകുമാര് മേനോന് സിനിമയാക്കുന്നത് തടയണമെന്നും, തിരക്കഥ തിരിച്ചുതരണമെന്നും കാണിച്ച് കോടതിയെ സമീപിച്ചിരുന്നു. വര്ഷങ്ങള് കഴിഞ്ഞിട്ടും തിരക്കഥ സിനിമയാകുന്നില്ലെന്ന് കാണിച്ചാണ് എംടി നിയമയുദ്ധത്തിനൊരുങ്ങിയത്. ഒടുവില്, ഒത്തുതീര്പ്പ് വ്യവസ്ഥയിലാണ് ആ കേസ് അവസാനിച്ചത്. രണ്ടാംമൂഴം തിരക്കഥ എംടിക്ക് തന്നെ തിരിച്ചുനല്കും, ശ്രീകുമാര് മേനോന് നല്കിയ അഡ്വാന്സ് തുക എംടിയും തിരിച്ചുനല്കും. കോടതികളിലുള്ള കേസുകള് ഇരുവരും പിന്വലിക്കും. ഇതായിരുന്നു ഒത്തുതീര്പ്പ് വ്യവസ്ഥ.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.