Follow KVARTHA on Google news Follow Us!
ad

കുപ്രചാരണങ്ങളെ മറികടക്കാന്‍ ജനം കരുത്തുനല്‍കി, തെരഞ്ഞെടുപ്പില്‍ നേടിയത് ചരിത്ര വിജയം; മേയ് 7ന് വിജയദിനമായി ആചരിക്കും, വീടുകളില്‍ ദീപശിഖകള്‍ തെളിയിച്ച് വിജയം ആഘോഷിക്കുമെന്നും എ വിജയരാഘവന്‍

#ഇന്നത്തെ വാര്‍ത്തകള്‍, #കേരള വാര്‍ത്തകള്‍, Thiruvananthapuram,News,Politics,CPM,Assembly-Election-2021,Kerala,
തിരുവനന്തപുരം: (www.kvartha.com 04.05.2021) നിയമസഭാ തെരഞ്ഞെടുപ്പില്‍ സിപിഎം നേടിയത് ചരിത്ര വിജയമെന്ന് സംസ്ഥാന സെക്രടറി എ വിജയരാഘവന്‍. മേയ് ഏഴിന് വിജയദിനമായി ആചരിക്കുമെന്നും വീടുകളില്‍ ദീപശിഖകള്‍ തെളിയിച്ച് വിജയം ആഘോഷിക്കുമെന്നും അദ്ദേഹം അറിയിച്ചു. പ്രകടന പത്രികയിലെ മുഴുവന്‍ ഉറപ്പുകളും പാലിക്കുമെന്നും അദ്ദേഹം വ്യക്തമാക്കി.A Vijayaraghavan on LDF's massive victory, Thiruvananthapuram, News, Politics, CPM, Assembly-Election-2021, Kerala
കുപ്രചാരണങ്ങളെ മറികടക്കാന്‍ ജനം കരുത്തുനല്‍കി. തുടര്‍ഭരണത്തിന് തടയിടാന്‍ വിമോചന സമരശക്തികള്‍ വീണ്ടും ഒന്നിച്ചു. വികസന മുന്നേറ്റം തടയാന്‍ കേന്ദ്ര ഏജന്‍സികള്‍ വരെ ശ്രമിച്ചു. ഭരണത്തുടര്‍ച്ച കേന്ദ്രനയങ്ങള്‍ക്കും ശക്തമായ താക്കീതാണ്. കേന്ദ്രത്തിനെതിരായ ബദല്‍ രാഷ്ട്രീയത്തിന് തുടര്‍ഭരണം കരുത്തുനല്‍കുമെന്നും അദ്ദേഹം അഭിപ്രായപ്പെട്ടു.

കോണ്‍ഗ്രസിന്റെ തകര്‍ച്ചയുടെ വേഗം വര്‍ധിക്കുന്നതാണ് തെരഞ്ഞെടുപ്പില്‍ കണ്ടത്. ബിജെപി വോടുകള്‍ വാങ്ങിയിട്ടും യുഡിഎഫ് തകര്‍ന്നടിഞ്ഞു. ബിജെപിക്കെതിരായ മതനിരപേക്ഷ ചേരിക്ക് ഈ വിജയം ശക്തി പകരുമെന്നും അദ്ദേഹം കൂട്ടിച്ചേര്‍ത്തു.

Keywords: A Vijayaraghavan on LDF's massive victory, Thiruvananthapuram, News, Politics, CPM, Assembly-Election-2021, Kerala.

Post a Comment