ഓസ്‌ട്രേലിയയെ തകര്‍ത്തുവിട്ട ഇന്ത്യന്‍ ടീമിലെ അരങ്ങേറ്റക്കാര്‍ക്ക് പുതിയ താര്‍ എസ്‌യുവി വാഹനം സമ്മാനമായി നല്‍കി ആനന്ദ് മഹീന്ദ്ര
Jan 23, 2021, 19:17 IST
മുംബൈ: (www.kvartha.com 23.01.2021) ബോര്‍ഡര്‍ ഗാവസ്‌കര്‍ ട്രോഫി ടെസ്റ്റ് പരമ്പരയില്‍ ഓസ്‌ട്രേലിയയെ മുട്ടുകുത്തിച്ച ഇന്ത്യന്‍ ടീമിലെ അരങ്ങേറ്റക്കാര്‍ക്ക് സമ്മാനം പ്രഖ്യാപിച്ച് മഹീന്ദ്ര ഗ്രൂപ്പ് ചെയര്‍മാന്‍ ആനന്ദ് മഹീന്ദ്ര. ഓസ്‌ട്രേലിയയില്‍ അരങ്ങേറിയ ആറ് ഇന്ത്യന്‍ പുതുമുഖങ്ങള്‍ക്കും മഹീന്ദ്രയുടെ പുതിയ താര്‍ എസ്‌യുവി വാഹനമാണ് സമ്മാനമായി നല്‍കുന്നത്. ആനന്ദ് മഹീന്ദ്ര ഔദ്യോഗിക ട്വിറ്റര്‍ അകൗണ്ട് വഴിയാണ് സമ്മാനം പ്രഖ്യാപിച്ചത്. അസാധ്യമായതു നേടിയെടുക്കാമെന്ന് ഭാവി തലമുറയ്ക്കായി ഈ താരങ്ങള്‍ കാണിച്ചുകൊടുത്തതായി അദ്ദേഹം വ്യക്തമാക്കി. 
തുടര്‍ച്ചയായ രണ്ടാം ടെസ്റ്റ് പരമ്പര വിജയമാണ് ഇന്ത്യന്‍ ക്രികെറ്റ് ടീം ഓസ്‌ട്രേലിയയില്‍ സ്വന്തമാക്കിയത്. എട്ടോളം മുന്‍നിര ഇന്ത്യന്‍ താരങ്ങള്‍ ഇല്ലാതെയാണ് രഹാനെയും സംഘവും ഓസ്‌ട്രേലിയയെ കെട്ടുകെട്ടിച്ചതെന്നതാണ് ഈ വിജയത്തിന്റെ മറ്റൊരു പ്രത്യേകത. മുന്‍നിര താരങ്ങളുടെ പരിക്കുകള്‍ ടീം ഇന്ത്യയ്ക്കു തിരിച്ചടിയായപ്പോള്‍ ഋഷഭ് പന്തും വാഷിങ്ടന്‍ സുന്ദറുമുള്‍പ്പെടെയുള്ള താരങ്ങള്‍ അവസരത്തിനൊത്ത് ഉയരുകയായിരുന്നു.
ഓസ്‌ട്രേലിയന്‍ മണ്ണിലെ ഇന്ത്യന്‍ ടീമിന്റെ പ്രകടനത്തില്‍ ബിസിസിഐ അഞ്ച് കോടി രൂപ സമ്മാനത്തുക പ്രഖ്യാപിച്ചിട്ടുണ്ട്. കഴിഞ്ഞ ദിവസം നാട്ടില്‍ തിരിച്ചെത്തിയ താരങ്ങള്‍ക്കു ഗംഭീര വരവേല്‍പാണു ലഭിച്ചത്.
Keywords: Anand Mahindra announces THAR SUV as gift for Team India players who debuted on Australia tour, Mumbai, News, Cricket, Cricket Test, Vehicles, Compensation, National, Sports.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
