ചൈനീസ് ഭരണകൂടം വേട്ടയാടുന്ന ഉയിഗൂര് മുസ്ലിംകളെ നിരീക്ഷിക്കാന് സഹായിച്ചെന്ന് റിപോർട്; വാവെയുമായുള്ള കരാര് അവസാനിപ്പിച്ച് അന്റേയിന് ഗ്രീസ്മാന്
Dec 11, 2020, 19:12 IST
ADVERTISEMENT
പാരിസ്: (www.kvartha.com 11.12.2020) ചൈനീസ് ഭരണകൂടം വേട്ടയാടുന്ന ഉയിഗൂര് മുസ്ലിംകളെ നിരീക്ഷിക്കാന് സഹായിച്ചെന്നുള്ള റിപോർട് പുറത്ത് വന്നതോടെ വാവെയുമായുള്ള കരാര് അവസാനിപ്പിച്ച് ഫ്രഞ്ച് ഫുട്ബോൾ താരം അന്റേയിന് ഗ്രീസ്മാന്. മുഖം തിരിച്ചറിയാനുള്ള സോഫ്റ്റ്വെയർ ഉപയോഗിച്ച് ഉയിഗൂര് മുസ്ലിംകളെ നിരീക്ഷിക്കാന് വാവെയ് സഹകരിക്കുന്നുണ്ടെന്നാണ് പുറത്ത് വന്ന റിപോർട്. ഇതേ തുടർന്ന് കമ്പനിയുമായുള്ള പങ്കാളിത്തം ഉടന് അവസാനിപ്പിക്കുകയാണെന്ന് ഗ്രീസ്മാന് ഇന്സ്റ്റാഗ്രാമിലൂടെ അറിയിച്ചു.
പത്ത് ലക്ഷത്തിലധികം ഉയിഗൂര് മുസ്ലിംകള് സിന്ജിയാങ് പ്രവിശ്യയിലെ ക്യാമ്പുകളിൽ തടവിലാക്കപ്പെട്ടിട്ടുള്ളതായി ഐക്യരാഷ്ട്രസഭയുടെ കണക്കുകൾ പറയുന്നു. അമേരിക്കന് നിരീക്ഷണ ഗവേഷണ സഥാപനമായ ഐ പി വി എമ്മാണ് ചൈനയിൽ ഫേഷ്യല് റെക്കഗ്നിഷൻ സോഫ്റ്റ്വെയർ പരീക്ഷിക്കുന്നതില് വാവെക്ക് പങ്കുണ്ടെന്നുള്ള റിപോര്ട്
പുറത്തുവിട്ടത്. ഇത് വഴി ആളുകളെ കണ്ടെത്തി അറസ്റ്റ് ചെയ്യുകയാണെന്ന് ആരോപണവും ഉയരുന്നുണ്ട്.
2017 മുതലാണ് ഗ്രീസ്മാൻ വാവെയ് ബ്രാന്ഡ് അംബാസഡറാകുന്നത്. 2018ല് ലോകകപ് നേടിയ ഫ്രാന്സ് ടീമിലെ അംഗവും ബാഴ്സലോണ താരവുമാൻ. ഗ്രീസ്മാന് ഇതിന് മുമ്പും മനുഷ്യാവകാശ ലംഘനങ്ങള്ക്കെതിരെ സാമൂഹിക മാധ്യമങ്ങളില് പ്രതിഷേധം ഉയര്ത്തിയിരുന്നു.
2017 മുതലാണ് ഗ്രീസ്മാൻ വാവെയ് ബ്രാന്ഡ് അംബാസഡറാകുന്നത്. 2018ല് ലോകകപ് നേടിയ ഫ്രാന്സ് ടീമിലെ അംഗവും ബാഴ്സലോണ താരവുമാൻ. ഗ്രീസ്മാന് ഇതിന് മുമ്പും മനുഷ്യാവകാശ ലംഘനങ്ങള്ക്കെതിരെ സാമൂഹിക മാധ്യമങ്ങളില് പ്രതിഷേധം ഉയര്ത്തിയിരുന്നു.
Keywords: World, News, Paris, China, Mobile Phone, Football Player, Top-Headlines, Muslim, Religion, Reportedly helped Chinese government to track down Uyghur Muslims; Antoine Griezmann terminates contract with Huawei.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
