ഭട്ടാചാര്യയുടെ ആര്‍ടി-പിസിആര്‍ പരിശോധനയില്‍ കോവിഡ് നെഗറ്റീവ് ആണെന്നും അത് നല്ല വാര്‍ത്തയാണെന്നും ആശുപത്രിയിലെ ഒരു മുതിര്‍ന്ന ഉദ്യോഗസ്ഥന്‍ പറഞ്ഞു. അദ്ദേഹത്തിന്റെ തലച്ചോറിന്റെ സിടി സ്‌കാന്‍ പഴയ ലാക്കുനാര്‍ ഇന്‍ഫ്രാക്റ്റുകള്‍ കാണിച്ചു. അദ്ദേഹം ഇപ്പോള്‍ തീവ്രപരിചരണ വിഭാഗത്തില്‍ ചികിത്സയിലാണ്.
ആവര്‍ത്തിച്ചുള്ള പരിശോധനയില്‍ കാര്‍ബണ്‍ ഡൈ ഓക്‌സൈഡിന്റെ അളവും കുറഞ്ഞ പി എച്ച് നിലയും കുറഞ്ഞതായി കാണിച്ചു. തുടര്‍ന്ന് കുടുംബാംഗങ്ങളുടെ സമ്മതത്തിന് ശേഷം അദ്ദേഹത്തെ വെന്റിലേറ്ററില്‍ കിടത്താന്‍ ഡോക്ടര്‍മാര്‍ തീരുമാനിക്കുകയായിരുന്നുവെന്നും ഉദ്യോഗസ്ഥന്‍ അറിയിച്ചു.
ശ്വാസതടസത്തെ തുടര്‍ന്ന് അദ്ദേഹത്തെ ആശുപത്രിയില്‍ പ്രവേശിപ്പിച്ചതെന്നും ഉടന്‍ സുഖം പ്രാപിക്കട്ടേയെന്നും ബംഗാള്‍ മുഖ്യമന്ത്രി മമത ബാനര്‍ജി ട്വീറ്റ് ചെയ്തു.
മുന്‍ മുഖ്യമന്ത്രിയുടെ ആരോഗ്യ പ്രശ്നങ്ങള്‍ മാറി തിരിച്ചുവരട്ടേയെന്ന് ബംഗാള്‍ ഗവര്‍ണര്‍ ജഗദീപ് ധന്‍കറും ട്വീറ്റ് ചെയ്തിട്ടുണ്ട്.
2000 മുതല്‍ 2011 വരെ ബംഗാള്‍ മുഖ്യമന്ത്രിയായിരുന്നു ബുദ്ധദേവ് ഭട്ടാചാര്യ. ആരോഗ്യ പരമായ പ്രശ്നങ്ങളാല്‍ 2018 മുതല്‍ സി പി എം പോളിറ്റ് ബ്യൂറോ, കേന്ദ്ര കമ്മറ്റി എന്നിവയില്‍ നിന്ന് അദ്ദേഹം വിട്ടുനില്‍ക്കുകയാണ്.
Keywords: Former Bengal CM Buddhadeb Bhattacharya's Health Condition Critical, Put on Ventilator, Kolkata, News, Hospital, Treatment, National.