മൂന്നുവയസ്സുകാരിയുടെ നാലു ഗ്രാം വരുന്ന കൊലുസ് വിഴുങ്ങിയെന്ന കേസില്‍ അറസ്റ്റിലായ പൂന്തുറ പള്ളിത്തെരുവ് ടിസി 46/ 422 മുഹമ്മദ് സിദ്ദിഖില്‍ (42) നിന്നു തൊണ്ടി വീണ്ടെടുക്കാനാണു പൊലീസ് കാത്തിരിക്കുന്നത്. വെള്ളിയാഴ്ച വൈകിട്ട് തമ്പാനൂര്‍ ബസ് ടെര്‍മിനലില്‍ കാഞ്ഞിരംകുളത്തേക്കുള്ള സ്റ്റോപ്പിലായിരുന്നു സംഭവം . പാലക്കാട് നിന്ന് എത്തി നെയ്യാറ്റിന്‍കരയിലേക്കു ബസ് കാത്തു നിന്ന കാരോട് സ്വദേശി അജികുമാറിന്റെയും മിനിയുടെയും മകളുടെ സ്വര്‍ണക്കൊലുസാണ് ഇയാള്‍ മോഷ്ടിച്ചത്. കൊലുസു മോഷ്ടിക്കുന്നതു മാതാപിതാക്കള്‍ കണ്ടതോടെ മുഹമ്മദ് സിദ്ദിഖ് കടന്നുകളയാന്‍ ശ്രമിച്ചു.
എന്നാല്‍ നാട്ടുകാരും പൊലീസും പിടികൂടുമെന്നായപ്പോള്‍ ഇയാള്‍ മോഷണ മുതല്‍ വിഴുങ്ങി. പൊലീസ് കേസെടുത്തെങ്കിലും പ്രതി മോഷണം സമ്മതിക്കാന്‍ തയാറായില്ല. തൊണ്ടി മുതല്‍ കണ്ടെത്താനാവാതെ വന്നതോടെ എക്സ്റേ എടുക്കാന്‍ പൊലീസ് തീരുമാനിച്ചു. ഇതില്‍ കൊലുസ് പ്രതിയുടെ വയറ്റിലുണ്ടെന്നു കണ്ടെത്തി. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു. തുടര്‍ന്ന് മെഡിക്കല്‍ കോളജ് ആശുപത്രിയിലേക്കു മാറ്റി. സ്വര്‍ണം പ്രതിയുടെ വയറ്റില്‍ നിന്നു പുറത്തു വരുന്നതും കാത്തിരിക്കുകയാണു പൊലീസ്.
Keywords: Defendant swallows gold colossus; The police had been waiting for 2 days for him to come out, Thiruvananthapuram, Local News, News, Police, Theft, Accused, Court, Remanded, Kerala.