റോം: (www.kvartha.com 28.12.2020) 2000 വര്‍ഷങ്ങള്‍ക്ക് മുമ്പ് പുരാതന റാമന്‍ സാമ്രാജ്യത്തിന്റെ ഏടുകളില്‍ നിന്ന് നഷ്ടപ്പെട്ട പോംപോയ് നഗരത്തിലെ ഭക്ഷണശാല കണ്ടെത്തി ചരിത്രഗവേഷകര്‍. താറാവിന്റെയും ആടിന്റെയും എല്ലുകള്‍ പാചകം ചെയ്ത നിലയിലുണ്ടായിരുന്ന മണ്‍കുടവും വൈനിന്റെ രുചി വര്‍ദ്ധിപ്പിക്കാനുപയോഗിക്കുന്ന ബീന്‍സും ഗവേഷകര്‍ക്ക് ലഭിച്ചു.
അന്നത്തെ ഭക്ഷണശാലകള്‍ തെര്‍മോപോളിയം എന്ന പേരിലാണ് അറിയപ്പെട്ടിരുന്നത്. നിലവില്‍ ഗവേഷകര്‍ കണ്ടെത്തിയ തെര്‍മോപോളിയത്തിന്റെ ഭിത്തികളില്‍ പുരാതന ചിത്രങ്ങളും കണ്ടെത്തിയിട്ടുണ്ട്.
മൗണ്ട് വെസുവിയസിലുണ്ടായ വോള്‍ക്കാനോ സ്‌ഫോടനം മൂലം പോംപോയ് നഗരം നശിക്കുകയായിരുന്നു. അന്ന് ഒഴുകിയെത്തിയ ലാവയിലെ ചാരം കാരണം 110 ഏക്കറോളം വിസ്തൃതിയുണ്ടായിരുന്ന നഗരം മുഴുവനായും മൂടപ്പെട്ടു. അപകടം നടക്കുന്നതിന് തൊട്ടുമുമ്പാകാം കടയടച്ചതെന്ന സംശയവും ഗവേഷകരില്‍ നിലനില്‍ക്കുന്നുണ്ട്. വോള്‍ക്കാനോ അപകടം മൂലം മരിച്ച രണ്ട് പേരുടെ അവശിഷ്ടങ്ങളും സ്ഥലത്ത് നിന്ന് ലഭിച്ചിരുന്നു.