ഉത്സവ സീസണ്‍ പ്രമാണിച്ച് കേന്ദ്ര സര്‍ക്കാര്‍ ജീവനക്കാര്‍ക്ക് ബോണസ് പ്രഖ്യാപിച്ചു; 30 ലക്ഷത്തോളം പേര്‍ക്ക് നേട്ടം
Oct 21, 2020, 17:34 IST
ന്യൂഡെല്‍ഹി: (www.kvartha.com 21.10.2020) ഉത്സവ സീസണ്‍ പ്രമാണിച്ച് (ദീപാവലി) രാജ്യത്തെ ഗസറ്റഡ് ഇതര കേന്ദ്ര സര്‍ക്കാര്‍ ജീവനക്കാര്‍ക്കുള്ള 2019-20 സാമ്പത്തിക വര്‍ഷത്തിലെ ബോണസിന് കേന്ദ്രസര്‍ക്കാര്‍ അംഗീകാരം നല്‍കി. പ്രൊഡക്റ്റിവിറ്റി ലിങ്ക്ഡ് ബോണസ് (പിഎല്‍ബി), നോണ്‍-പ്രൊഡക്ടിവിറ്റി ലിങ്ക്ഡ് ബോണസ് (പിഎല്‍ബി) എന്നിവയ്ക്കാണ് കേന്ദ്ര മന്ത്രിസഭ ബുധനാഴ്ച അംഗീകാരം നല്‍കിയത്. 30 ലക്ഷത്തിലധികം ഗസറ്റഡ് ഇതര കേന്ദ്ര സര്‍ക്കാര്‍ ജീവനക്കാര്‍ക്ക് ഈ നടപടി ഗുണം ചെയ്യുമെന്നാണ് വിലയിരുത്തപ്പെടുന്നത്.
റെയില്‍വേ, പോസ്റ്റ് ഓഫിസ്, ഇപിഎഫ്ഒ, ഇഎസ്‌ഐസി തുടങ്ങിയവയിലെ ജീവനക്കാര്‍ക്ക് ഉള്‍പ്പെടെയാണ് ആനുകൂല്യം കൈമാറുക. മധ്യവര്‍ഗത്തിന്റെ കയ്യില്‍ പണമെത്തുന്നത് വിപണിയെ ഉഷാറാക്കുമെന്നാണു പ്രതീക്ഷയെന്ന് ജാവദേക്കര്‍ പറഞ്ഞു.
ഈ ബോണസിന്റെ മൊത്തം സാമ്പത്തിക ബാധ്യത 3,737 കോടി രൂപയായിരിക്കുമെന്ന് മന്ത്രിസഭാ സമ്മേളനത്തെ അഭിസംബോധന ചെയ്തുകൊണ്ട് കേന്ദ്രമന്ത്രി പ്രകാശ് ജാവദേക്കര്‍ പറഞ്ഞു. വിജയദശമിക്ക് മുന്‍പ് ഡയറക്റ്റ് ബെനിഫിറ്റ് ട്രാന്‍ഫര്‍ വഴി ഒറ്റ ഘഡുവായി ഈ ബോണസ് കൊടുത്തുതീര്‍ക്കുമെന്നും മന്ത്രി പറഞ്ഞു. 
റെയില്‍വേ, പോസ്റ്റ് ഓഫിസ്, ഇപിഎഫ്ഒ, ഇഎസ്‌ഐസി തുടങ്ങിയവയിലെ ജീവനക്കാര്‍ക്ക് ഉള്‍പ്പെടെയാണ് ആനുകൂല്യം കൈമാറുക. മധ്യവര്‍ഗത്തിന്റെ കയ്യില്‍ പണമെത്തുന്നത് വിപണിയെ ഉഷാറാക്കുമെന്നാണു പ്രതീക്ഷയെന്ന് ജാവദേക്കര്‍ പറഞ്ഞു.
Keywords: Govt's Diwali gift: 30 lakh employees to get ₹3,737 crore bonus by next week, New Delhi, Politics, Cabinet, Minister, Government-employees, Salary, Festival, News, National.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
