ബിനീഷ് കോടിയേരിയുടെ അറസ്റ്റ് പാര്ട്ടിയെ ഒരു തരത്തിലും ബാധിക്കില്ലെന്ന് സി പി എം ജനറല് സെക്രട്ടറി സിതാറാം യെച്ചൂരി; സി പി എമ്മിന് ധാര്മിക പ്രശ്നമെന്ന് കെ സുരേന്ദ്രന്
Oct 29, 2020, 15:38 IST
ADVERTISEMENT
തിരുവനന്തപുരം: (www.kvartha.com 29.10.2020) ബിനീഷ് കോടിയേരിയുടെ അറസ്റ്റ് പാര്ട്ടിയെ ഒരു തരത്തിലും ബാധിക്കില്ലെന്ന് സി പി എം ജനറല് സെക്രട്ടറി സീതാറാം യെച്ചൂരി. ബിനീഷിനെ സംബന്ധിച്ച കാര്യങ്ങളില് സംസ്ഥാന സെക്രട്ടറിയായ കോടിയേരി തന്നെ നിലപാട് വ്യക്തമാക്കിയിട്ടുണ്ട്. കേന്ദ്ര ഏജന്സികളുടെ അന്വേഷണം നടക്കട്ടേയെന്നും യെച്ചൂരി പറഞ്ഞു.
ഒരു പാര്ട്ടിയെ സംബന്ധിച്ച് ഏറ്റവും പരിതാപകരമായ അവസ്ഥയാണ് ഇതെന്ന് കോണ്ഗ്രസ് നേതാവ് വി ഡി സതീശന് പറഞ്ഞു. ഒന്നിലധികം ആളുകള് മുഖ്യമന്ത്രിയുടെ ഓഫീസില് നിന്ന് സ്വര്ണക്കടത്ത് സംഘത്തെ സഹായിച്ചിട്ടുണ്ട്. ഇതിന് സമാന്തരമായി പാര്ട്ടി സെക്രട്ടറിയുടെ മകന് മയക്കുമരുന്ന് സംഘവുമായി ഇടപെടുകയായിരുന്നുവെന്നും അദ്ദേഹം കുറ്റപ്പെടുത്തി.
അതേസമയം ബിനീഷിന്റെ അറസ്റ്റ് സി പി എമ്മിനെ സംബന്ധിച്ച് ധാര്മിക പ്രശ്നമാണെന്ന് ബി ജെ പി സംസ്ഥാന അധ്യക്ഷന് കെ സുരേന്ദ്രന് പറഞ്ഞു. വിനാശകരമായ കാര്യങ്ങളില് ഇടപെടുന്നത് ന്യായീകരിക്കാനാകില്ല. ഇത്രയും കാലം ഭരണത്തില് വരുമ്പോള് ബിനീഷിന് എതിരായ കേസുകള് സൗകര്യപൂര്വം ഒതുക്കുകയായിരുന്നു. സി പി എം പോലുളള തൊഴിലാളി വര്ഗ പാര്ട്ടിയില് ഇതൊക്കെ നടക്കുന്നതിന് കേന്ദ്ര നേതൃത്വം മറുപടി പറയണമെന്നും സുരേന്ദ്രന് ആവശ്യപ്പെട്ടു. 
ഒരു പാര്ട്ടിയെ സംബന്ധിച്ച് ഏറ്റവും പരിതാപകരമായ അവസ്ഥയാണ് ഇതെന്ന് കോണ്ഗ്രസ് നേതാവ് വി ഡി സതീശന് പറഞ്ഞു. ഒന്നിലധികം ആളുകള് മുഖ്യമന്ത്രിയുടെ ഓഫീസില് നിന്ന് സ്വര്ണക്കടത്ത് സംഘത്തെ സഹായിച്ചിട്ടുണ്ട്. ഇതിന് സമാന്തരമായി പാര്ട്ടി സെക്രട്ടറിയുടെ മകന് മയക്കുമരുന്ന് സംഘവുമായി ഇടപെടുകയായിരുന്നുവെന്നും അദ്ദേഹം കുറ്റപ്പെടുത്തി.
Keywords: Bineesh Kodiyeri arrest; Reactions of leaders, Thiruvananthapuram,News,CPM,Bineesh Kodiyeri,Politics,Arrested,BJP,K Surendran,Kerala.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
