കാറില്‍ യാത്ര ചെയ്യവെ ഭീകരാക്രമണം; മുത്തച്ഛന്‍ കൊല്ലപ്പെട്ടു; മൃതദേഹത്തിനരികില്‍ ഒറ്റപ്പെട്ടിരുന്ന മൂന്നു വയസ്സുകാരനെ ബുള്ളറ്റുകളില്‍ നിന്നും രക്ഷപ്പെടുത്തി സുരക്ഷിതമായി അമ്മയെ ഏല്‍പിച്ച് കശ്മീര്‍ പൊലീസ്

ന്യൂഡെല്‍ഹി: (www.kvartha.com 01.07.2020) കശ്മീര്‍ ഭീകരാക്രമണത്തില്‍ കൊല്ലപ്പെട്ട മുത്തച്ഛന്റെ മൃതദേഹത്തിനരികില്‍ ഒറ്റപ്പെട്ടിരുന്ന മൂന്നു വയസ്സുകാരനെ ബുള്ളറ്റുകളില്‍ നിന്നും രക്ഷപ്പെടുത്തി സുരക്ഷിതമായി അമ്മയെ ഏല്‍പിച്ചു.

കശ്മീര്‍ പൊലീസാണ് കുട്ടിയ രക്ഷപ്പെടുത്തി സുരക്ഷിതമായ ഇടത്തിലേക്ക് മാറ്റിയത്. സംഭവം സ്ഥിരീകരിച്ച് കശ്മീര്‍ പൊലീസ് ട്വീറ്റ് ചെയ്തിട്ടുണ്ട്. നടക്കന്‍ കശ്മീര്‍ ടൗണിലൂടെ ഒരു പൊലീസുകാരന്‍ കുഞ്ഞിനേയും എടുത്തുകൊണ്ടുപോകുന്ന ചിത്രമാണ് ട്വിറ്ററില്‍ പോസ്റ്റ് ചെയ്തത്. ഏറ്റുമുട്ടലില്‍ മൂന്ന് സിആര്‍പിഎഫ് ജവാന്മാര്‍ കൊല്ലപ്പെട്ടിരുന്നു. പുല്‍വാമയിലെ ട്രാല്‍ മേഖലയിലാണ് ആക്രമണം നടന്നത്.


ശ്രീനഗറില്‍ നിന്ന് ഹന്ദ്വാരയിലേക്ക് മുത്തച്ഛനൊപ്പം കാറില്‍ സഞ്ചരിക്കുകയായിരുന്നു കുട്ടി. യാത്രക്കിടെയാണ് ഭീകരാക്രമണം ഉണ്ടാവുകയും മുത്തച്ഛന്‍ കൊല്ലപ്പെടുകയും ചെയ്തത്. ഇതോടെ തനിച്ചായ കുഞ്ഞിനെ സംഭവം സ്ഥലത്തു നിന്ന് രക്ഷപ്പെടുത്തിയ പൊലീസ് ഉദ്യോഗസ്ഥര്‍ പിന്നീട് കുഞ്ഞിനെ അമ്മയുടെ അടുക്കല്‍ എത്തിച്ചു.