» » » » » » » » » » » » » » » 'എനിക്ക് ശ്വസിക്കാനാവുന്നില്ലച്ഛാ... മൂന്ന് മണിക്കൂറായി അവരെനിക്ക് ഓക്‌സിജന്‍ തരുന്നത് നിര്‍ത്തിയിട്ട്, ഞാന്‍ കുറേ പറഞ്ഞു നോക്കി, എന്റെ ഹൃദയം നിലച്ച പോലെ... ഞാന്‍ പോവുകയാണ്, എല്ലാവര്‍ക്കും ബൈ...'; കോവിഡ് രോഗിയായ 34 കാരന്‍ മരിക്കുന്നതിന് പിതാവിനയച്ച ഞെട്ടിപ്പിക്കുന്ന വീഡിയോ സന്ദേശം വൈറലാകുന്നു


തെലങ്കാന: (www.kvartha.com 29.06.2020) ഹൈദരാബാദില്‍ അസുഖം ബാധിച്ച മുപ്പത്തിനാലുകാരന് പത്ത് സ്വകാര്യ ആശുപത്രികള്‍ ചികിത്സ നിഷേധിച്ചതിനെ തുടര്‍ന്നാണ് സര്‍ക്കാര്‍ ആശുപത്രിയില്‍ പ്രവേശനം ലഭിച്ചത്. എന്നാല്‍ അവിടെ നിന്ന് ആവശ്യമായ ചികിത്സകള്‍ ലഭിച്ചില്ലെന്നാണ് യുവാവ് പിതാവിനയച്ച വീഡിയോയില്‍ നിന്ന് മനസിലാവുന്നത്.

News, National, Telangana, India, Hyderabad, Youth, Dies, Death, hospital, Treatment, Father, Funeral, Not Able To Breathe Hyderabad Mans Message To Father Before He Dies Of Covid

'എനിക്ക് ശ്വസിക്കാനാവുന്നില്ലച്ഛാ... മൂന്ന് മണിക്കൂറായി അവരെനിക്ക് ഓക്‌സിജന്‍ തരുന്നത് നിര്‍ത്തിയിട്ട്, ഞാന്‍ കുറേ പറഞ്ഞു നോക്കി, എന്റെ ഹൃദയം നിലച്ച പോലെ... ഞാന്‍ പോവുകയാണ്, എല്ലാവര്‍ക്കും ബൈ...' ഹൈദരാബാദിലെ സര്‍ക്കാര്‍ ആശുപത്രിയില്‍ ചികിത്സയിലായിരുന്ന യുവാവിന്റെ അവസാനവാക്കുകളായിരുന്നു ഇവ. മരിക്കുന്നതിന് മുമ്പ് യുവാവ് അച്ഛനയച്ച വീഡിയോ സന്ദേശത്തിലായിരുന്നു ആശുപത്രിയിലെ ദുരവസ്ഥ വ്യക്തമാക്കിയത്.

സന്ദേശയമയച്ച് ഒരു മണിക്കൂറിന് ശേഷം യുവാവ് മരിച്ചതായി ആശുപത്രി അധികൃതര്‍ അറിയിക്കുകയും ചെയ്തു. എന്നാല്‍ ഇയാള്‍ മരിച്ച് തൊട്ടടുത്ത ദിവസമാണ് കോവിഡ് സ്ഥിരീകരിച്ചത്. മകന്റെ അന്ത്യകര്‍മ്മങ്ങള്‍ കഴിഞ്ഞ് മടങ്ങിയെത്തിയ ശേഷമാണ് മകന്‍ അയച്ച വീഡിയോ കണാനിടയാതെന്ന് അച്ഛന്‍ പറഞ്ഞു.

മകന്‍ സഹായം ആവശ്യപ്പെട്ടെങ്കിലും അത് നല്‍കാന്‍ സാധിച്ചില്ലെന്നും ഈ അവസ്ഥ മറ്റൊരാള്‍ക്ക് ഉണ്ടാകാനിടയാകരുതെന്നും അദ്ദേഹം പറഞ്ഞു. മകന് എന്തു കൊണ്ടാണ് ഓക്‌സിജന്‍ നിഷേധിച്ചതെന്ന് അധികൃതര്‍ വ്യക്തമാക്കണമെന്നും അദ്ദേഹം കൂട്ടിച്ചേര്‍ത്തു. മറ്റേതെങ്കിലും രോഗിയുടെ ജീവന്‍ രക്ഷിക്കുന്നതിനായി തന്റെ മകന് ജീവന്‍രക്ഷാ ഉപകരണങ്ങളുടെ സഹായം നിഷേധിക്കപ്പെട്ടതാണോ എന്ന കാര്യം അന്വേഷിക്കണമെന്നും അദ്ദേഹം ആവശ്യപ്പെട്ടു.

കോവിഡാണ് യുവാവിന്റെ മരണകാരണമെന്ന് ആശുപത്രി അധികൃതര്‍ അറിയിച്ചു. മാതാപിതാക്കള്‍, ഭാര്യ, സഹോദരന്‍, ഭാര്യാസഹോദരന്‍ എന്നിവരുമായി യുവാവ് സമ്പര്‍ക്കത്തിലേര്‍പ്പെട്ടിരുന്ന കാര്യം യുവാവിന്റെ മരണത്തോടൊപ്പം കുടുംബാംഗങ്ങളെ കൂടുതല്‍ വിഷമാവസ്ഥയിലാക്കിയിരിക്കുകയാണ്. ഇവര്‍ക്ക് ഇതു വരെ കോവിഡ് പരിശോധന നടത്തിയിട്ടില്ല.

ഒമ്പതും പന്ത്രണ്ടും വയസുള്ള പേരക്കുട്ടികള്‍ വീട്ടിലുണ്ടെന്നും പരിശോധന നടത്താത്തതു കാരണം ആശങ്കയിലാണെന്നും കുട്ടികളെ അവരുടെ അച്ഛന്‍ മരിച്ച വിവരം അറിയിച്ചിട്ടില്ലെന്നും മുത്തച്ഛന്‍ അറിയിച്ചു. യുവാവിന് മതിയായ ചികിത്സ ലഭിക്കാത്തതില്‍ പ്രതിഷേധം ഉയര്‍ന്നിട്ടുണ്ട്. മരണം മുന്നില്‍ കണ്ട യുവാവിന്റെ ദുരവസ്ഥ സാമൂഹികമാധ്യമങ്ങളില്‍ വന്‍തോതിലാണ് പ്രതികരണം ഉളവാക്കിയിരിക്കുന്നത്.

Keywords: News, National, Telangana, India, Hyderabad, Youth, Dies, Death, hospital, Treatment, Father, Funeral, Not Able To Breathe Hyderabad Mans Message To Father Before He Dies Of Covid

About kvartha beta

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കെവാര്‍ത്തയിലൂടെ അറിയാം
«
Next
Newer Post
»
Previous
Older Post
ശ്രദ്ധിക്കുക: താഴെ കൊടുക്കുന്ന അഭിപ്രായങ്ങള്‍ കെവാര്‍ത്തയുടെ അഭിപ്രായമാവണമെന്നില്ല. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. മംഗ്ലീഷില്‍ അഭിപ്രായങ്ങള്‍ പോസ്റ്റ് ചെയ്യുന്നത് ഒഴിവാക്കുക. അവഹേളനപരമോ വ്യക്തിപരമായ അധിക്ഷേപങ്ങളോ അശ്‌ളീല പദപ്രയോഗങ്ങളോ അസഭ്യങ്ങളോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്.

മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

മുഴുവന്‍ വാര്‍­ത്ത­കള്‍ | News by date

Search This portal