മൈസൂരില്‍ വാഹനാപകടത്തില്‍ ഇരിട്ടി സ്വദേശികളായ രണ്ടു പേര്‍ മരിച്ചു

ഇരിട്ടി: (www.kvartha.com 14/01/2020)  മൈസൂരിനടുത്തുണ്ടായ വാഹനാപകടത്തില്‍ ഇരിട്ടി ചെമ്പന്തൊട്ടി സ്വദേശികളായ ദമ്പതികള്‍ മരിച്ചു. മേച്ചേരി വീട്ടില്‍ മാത്യൂസ്, ഭാര്യ ലില്ലി എന്നിവരാണ് മരിച്ചത്. ഇവര്‍ സഞ്ചരിച്ച കെ എല്‍ 58 പി 856 നമ്പര്‍ മാരുതി സ്വിഫ്റ്റ് ഡിസയര്‍ കാറും എതിരെ വന്ന കെ എ 09 468 നമ്പര്‍ ഇന്നോവ ക്രിസ്റ്റയും കൂട്ടിയിടിക്കുകയായിരുന്നു.

തിങ്കളാഴ്ച്ച പുലര്‍ച്ചെ ഏഴു മണിക്കായിരുന്നു അപകടം. ഇരുവരും തല്‍ക്ഷണം മരിച്ചു. ഇവരുടെ മകന്‍ ജിന്‍സിനെ ഗുരുതരാവസ്ഥയില്‍ മൈസൂരിലെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്.
ബംഗളുരിലെ മകളുടെ വീട്ടില്‍ പോയി മടങ്ങി വരികയായിരുന്ന സംഘമാണ് അപകടത്തില്‍പ്പെട്ടത്.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )

Keywords: Kerala, Kannur, Accidental Death, Accident, Couples, Car accident, Accident in Mysore; couples die