പിഞ്ചുകുഞ്ഞിനോടുള്ള വളര്‍ത്തുമൃഗത്തിന്റെ സ്‌നേഹം; സോഷ്യല്‍മീഡിയയില്‍ വൈറലായ വീഡിയോ കാണാം

ന്യൂഡെല്‍ഹി: (www.kvartha.com 02.12.2019) പോകെ പോകെ മനുഷ്യന്റെ കടമകള്‍ ഇനി മനുഷ്യരേക്കാള്‍ വൃത്തിയായി മൃഗങ്ങള്‍ ചെയ്യുമെന്നും മനുഷ്യരേക്കാള്‍ സ്‌നേഹം മൃഗങ്ങള്‍ക്കാണെന്നും തെളിയിക്കുന്നു. ഇത് വ്യക്തമാക്കുന്ന ഒരു വീഡിയോയാണ് ഇപ്പോള്‍ സമൂഹമാധ്യമങ്ങളില്‍ വൈറലായിരിക്കുന്നത്. ഒരു പിഞ്ചു കുഞ്ഞിനെ പരിപാലിക്കുന്ന വളര്‍ത്തുനായുടെ ദൃശ്യങ്ങളാണത്.


നിരവധിപ്പേര്‍ പങ്കുവച്ച ഈ വീഡിയോ ആദ്യം പ്രത്യക്ഷപ്പെട്ടത് ട്വിറ്ററിലാണ്. കിടക്കയില്‍ കിടന്നുറങ്ങുന്ന പിഞ്ചുകുഞ്ഞിനെ തണുപ്പ് മാറ്റാന്‍ പുതപ്പ്‌കൊണ്ട് മൂടിയിട്ടില്ല. ഈ സമയം കട്ടിലില്‍ കയറിയ നായ കുട്ടിയോട് കാണിക്കുന്ന സ്‌നേഹമാണ് മനസിലാവുന്നത്.

തന്റെ മുഖംകൊണ്ട് കുഞ്ഞിനെ നായ പുതപ്പിക്കുന്നതാണ് ദൃശ്യത്തില്‍. ഒരു വശത്ത് നിന്ന് തുടങ്ങി കുഞ്ഞിനെ തണുപ്പടിക്കാതെ തലയൊഴിച്ച് ബാക്കി മുഴുവനായി പുതപ്പിക്കുന്നു. ആ സമയം കുഞ്ഞ് നല്ല ഉറക്കത്തിലാണ്. നിശ്ചയമായും ഈ നായ സ്വര്‍ഗത്തില്‍ എത്തുമെന്ന ആമുഖത്തോടെയാണ് ചിലര്‍ ഈ വീഡിയോ ഷെയര്‍ ചെയ്യുന്നത്.