ഈ ട്രോളനെ കെട്ടിക്കുന്നുണ്ടോ? ട്രോളന്‍ പോലീസിന് കല്യാണാലോചനയുമായി യുവതി; അതിനേയും ട്രോളി കേരള പോലീസ്

കൊച്ചി: (www.kvartha.com 02.12.2019) ഈ ട്രോളനെ കെട്ടിക്കുന്നുണ്ടോ? ട്രോളന്‍ പോലീസിന് കല്യാണാലോചനയുമായി യുവതി. എന്നാല്‍ അതിനേയും ട്രോളി കേരള പോലീസ്. ട്രോളുകളിലൂടെ കാര്യങ്ങള്‍ പൊതുജനങ്ങള്‍ക്കു മുന്നില്‍ അവതരിപ്പിക്കുന്ന കേരള പോലീസിന്റെ ഇടമാണ് ഔദ്യോഗിക ഫെയ്സ്ബുക്ക് പേജ്.

നിയമവും അവബോധവും ഈ പേജിലൂടെയാണ് പോലീസ് പൊതുജനങ്ങള്‍ക്ക് മുന്നില്‍ അവതരിപ്പിക്കുന്നത്. സോഷ്യല്‍മീഡിയ കേരള പോലീസിന്റെ ഔദ്യോഗിക ഫെയ്സ്ബുക്ക് പേജിനെ ഇരുകൈകള്‍ കൊണ്ടും സ്വീകരിക്കുകയും ചെയ്തു. പോസ്റ്റുകള്‍ക്ക് താഴെ വരുന്ന കമന്റുകള്‍ക്ക് കേരള പോലീസ് മറുപടിയും നല്‍കാറുണ്ട്.


ഇതിനിടെയാണ് ട്രോളര്‍ പോലീസിന് കല്യാണാലോചനയുമായി യുവതി രംഗത്തെത്തിയത്. 'സീരിയസ് ആയി കുറേ വട്ടം ചോദിച്ചു.. വീണ്ടും ചോദിക്കുന്നു. ഈ ട്രോളനെ കെട്ടിക്കുന്നുണ്ടോ? എന്നായിരുന്നു യുവതിയുടെ ചോദ്യം. എന്നാല്‍ കെട്ടിക്കാന്‍ ഉദ്ദേശ്യമുണ്ടോ ഇല്ലയോ എന്നതിന് വ്യക്തമായ മറുപടി നല്‍കാതെ ഇതിനേം ട്രോളിയാണ് കേരള പോലീസിന്റെ മറുപടി. സലീം കുമാര്‍ അന്ധാളിച്ച് നില്‍ക്കുന്ന ചിത്രം നല്‍കിക്കൊണ്ടാണ് പോലീസ് മറുപടി നല്‍കിയത്.