ദുബൈയില്‍ ഭര്‍ത്താവിന്റെ കുത്തേറ്റ് മലയാളി യുവതി മരിച്ചു

ദുബൈ: (www.kvartha.com 12/09/2019) ദുബൈയില്‍ ഭര്‍ത്താവിന്റെ കുത്തേറ്റ് മലയാളി യുവതി മരിച്ചു. കൊല്ലം തിരുമുല്ലപുരം സ്വദേശി സി വിദ്യാ ചന്ദ്രന്‍ (39) ആണ് മരിച്ചത്. സംഭവവുമായി ബന്ധപ്പെട്ട് തിരുവനന്തപുരം സ്വദേശി കാരയ്ക്കാ മണ്ഡപം തെക്കേവീട്ടില്‍ യുഗേഷിനെ (45) പോലീസ് അറസ്റ്റു ചെയ്തു. കഴിഞ്ഞ ദിവസം വൈകിട്ട് അല്‍ഖൂസില്‍ വിദ്യ ജോലി ചെയ്യുന്ന സ്ഥാപനത്തിന്റെ കാര്‍ പാര്‍ക്കിംഗ് മേഖലയില്‍ വെച്ചാണ് സംഭവം.


ഭര്‍ത്താവുമായി വാക്കേറ്റമുണ്ടാകുകയും ഇയാള്‍ വിദ്യയെ കുത്തുകയുമായിരുന്നു. ഇരുവരും തമ്മില്‍ അസ്വാരസ്യം നിലനിന്നിരുന്നതായി ദൃക്‌സാക്ഷികള്‍ പറയുന്നു. ചൊവ്വാഴ്ച നാട്ടിലേക്ക് വരാനിരിക്കെയാണ് വിദ്യയ്്ക്ക് ദാരുണമരണമുണ്ടായത്.