മുത്വലാഖ് നിയമത്തില്‍ കേരളത്തിലെ ആദ്യത്തെ അറസ്റ്റ് രേഖപ്പെടുത്തി

കോഴിക്കോട്: (www.kvartha.com 16.08.2019) ഭാര്യയെ മുത്വലാഖ് ചൊല്ലിയെന്ന കേസില്‍ യുവാവിനെ അറസ്റ്റ് ചെയ്തു. താമരശ്ശേരി ചെറുവാടി സ്വദേശി ഇ കെ ഉസാമിനെയാണ് പോലീസ് അറസ്റ്റ് ചെയ്തത്. മുത്വലാഖ് നിരോധന നിയമം രാജ്യത്ത് നിലവില്‍ വന്ന ശേഷം ഈ നിയമപ്രകാരം കേരളത്തിലെ ആദ്യത്തെ അറസ്റ്റാണിത്.

താമരശ്ശേരി കോടതിയിലാണ് കേസ് നടക്കുന്നത്. മുസ്‌ലിം വനിതാ സംരക്ഷണ നിയമം 3, 4 ആക്ട് പ്രകാരമാണ് കേസെടുത്തിരിക്കുന്നത്. ശിക്ഷിക്കപ്പെട്ടാല്‍ മൂന്ന് വര്‍ഷം വരെ തടവ് ലഭിച്ചേക്കാം.

ഇക്കഴിഞ്ഞ ജൂലൈ 30നാണ് മുത്വലാഖ് ഭേദഗതി ബില്‍ രാജ്യസഭയില്‍ പാസായത്. ലോക്‌സഭയില്‍ നേരത്തെ പാസായിരുന്നു.