'ശാപമാണ് വിജയാ ഈ രക്തദാഹം'

പാലക്കാട്:(www.kvartha.com 18/02/2019) കാസര്‍കോട് പെരിയ കല്യോട്ടെ ഇരട്ടക്കൊലപാതകത്തിന് പിന്നാലെ സിപിഎമ്മിനെതിരെയും മുഖ്യമന്ത്രി പിണറായി വിജയനെതിരെയും രൂക്ഷവിമര്‍ശനവുമായി പാലക്കാട് എംഎല്‍എ ഷാഫി പറമ്പില്‍. ശാപമാണ് വിജയാ ഈ രക്തദാഹം. നിങ്ങളൊക്കെ തന്നെ ശീലിപ്പിച്ചത് നിയന്ത്രിക്കാന്‍ കഴിഞ്ഞില്ലെങ്കില്‍ അമ്മമാരുടെ കണ്ണീരില്‍ ഒലിച്ച് പോവും നിങ്ങള്‍. എന്നായിരുന്നു ഷാഫി പറമ്പിലിന്റെ വിമര്‍ശനം.


നാന്‍ പെറ്റ മകനേ എന്ന് വിളിച്ച് കരയാന്‍ ഇവര്‍ക്കും അമ്മമാരുണ്ടെന്നു എപ്പോഴാണ് നിങ്ങളുടെ ചോരക്കൊതി തീരുകയെന്നും എംഎല്‍എ ചോദിച്ചു. ഫെയ്‌സ്ബുക്ക് പോസ്റ്റിലൂടെയായിരുന്നു എംഎല്‍യുടെ വിമര്‍ശനം.


പോസ്റ്റിന്റെ പൂര്‍ണരൂപം കാണാം:

നാന്‍ പെറ്റ മകനേ എന്ന് വിളിച്ച് കരയാന്‍ ഇവര്‍ക്കുമുണ്ട് അമ്മമാര്‍..
എന്നാ നിങ്ങടെ ചോരക്കൊതി തീരാ?
എത്ര തലകള്‍ ഇനിയും അറുത്ത് മാറ്റണം..
എത്ര വെട്ടുകള്‍ ഇനിയും നിങ്ങള്‍ക്കെതിരെ പ്രവര്‍ത്തിക്കുന്നവരുടെ ശരീരത്തില്‍ ഏല്‍പ്പിക്കണം..
എത്ര കാലം നിങ്ങള്‍ കൊന്ന് കൊണ്ടേയിരിക്കും?

ശിലയായി മാറിയ ഹൃദയം കൊണ്ട് എതിര്‍പാര്‍ട്ടിക്കാരനെ കൊന്ന് തള്ളാന്‍ ഉത്തരവിട്ട ശേഷം മൈതാന പ്രസംഗത്തില്‍ നവോത്ഥാനം വിളമ്പുന്നവന്റെ മുഖത്ത് കാര്‍ക്കിച്ച് തുപ്പണം .

ശാപമാണ് വിജയാ ഈ രക്തദാഹം ..നിങ്ങളൊക്കെ തന്നെ ശീലിപ്പിച്ചത് നിയന്ത്രിക്കാന്‍ കഴിഞ്ഞില്ലേല്‍ അമ്മമാരുടെ കണ്ണീരില്‍ ഒലിച്ച് പോവും നിങ്ങള്‍.