Accidental Death | കൂത്തുപറമ്പില്‍ കെഎസ്ആര്‍ടിസി ബസിടിച്ച് വിദ്യാര്‍ഥിക്ക് ദാരുണാന്ത്യം
ഇരുചക്രവാഹന യാത്രക്കാരനായിരുന്നു 19 കാരന്‍.
കൂത്തുപറമ്പ് - തലശ്ശേരി കെ എസ് ടി പി റോഡിലായിരുന്നു അപകടം.
പ്രദേശവാസികള്‍ ഉടന്‍ ആശുപത്രിയിലെത്തിച്ചെങ്കിലും രക്ഷിക്കാനായില്ല.
കണ്ണൂര്‍: (KVARTHA) കൂത്തുപറമ്പ് പാറാലില്‍ കെ എസ് ആര്‍ ടി സി ബസും ഇരുചക്രവാഹനവും കൂട്ടിയിടിച്ച് വിദ്യാര്‍ഥി മരിച്ചു. പാട്യം കൊട്ടയോടിയിലെ കളത്രക്കല്‍ ഹൗസില്‍ കെ സൗജിത്ത് (19) ആണ് മരിച്ചത്. തോട്ടട ഗവ. ഐ ടി ഐ വിദ്യാര്‍ഥിയാണ് സൗജിത്.
ബുധനാഴ്ച രാത്രി എട്ടരയോടെ കൂത്തുപറമ്പ് - തലശ്ശേരി കെ എസ് ടി പി റോഡിലായിരുന്നു അപകടം. കൂത്തുപറമ്പില്‍നിന്ന് തലശ്ശേരി ഭാഗത്തേക്ക് പോകുകയായിരുന്ന ബസ് സൗജിത്ത് സഞ്ചരിച്ച ബൈകില്‍ ഇടിക്കുകയായിരുന്നുവെന്ന് ദൃക്‌സാക്ഷികള്‍ പറഞ്ഞു. പ്രദേശവാസികള്‍ ഉടന്‍ ആശുപത്രിയിലെത്തിച്ചെങ്കിലും രക്ഷിക്കാനായില്ല. കളത്രക്കല്‍ വീട്ടില്‍ പ്രേമന്റെയും രേഖയുടെയും മകനാണ്. ഏകസഹോദരി: വൈഷ്ണ.
