Follow KVARTHA on Google news Follow Us!
ad

MV Jayarajan | തലശേരിയിലെ ഇരട്ട കൊലപാതകത്തിന് പിന്നില്‍ ലഹരിമാഫിയ സംഘമാണെന്ന് എം വി ജയരാജന്‍

Thalassery: MV Jayarajan about double murder case #കേരളവാർത്തകൾ #ന്യൂസ്റൂം #ഇന്നത്തെവാർത്തകൾ

കണ്ണൂര്‍: (www.kvartha.com) പാര്‍ടി പ്രവര്‍ത്തകരായതലശേരിയിലെ ചിറമ്മല്‍ കെ ഖാലിദിനെയും പി ശമീറിനെയും കൊലപ്പെടുത്തിയത് ലഹരി മാഫിയ സംഘമാണെന്ന് സിപിഎം ജില്ലാ സെക്രടറി എം വി ജയരാജന്‍. കഞ്ചാവ് വില്‍പന നടത്തി ചെറുപ്പക്കാരെ വഴിതെറ്റിക്കുന്ന ജാക്‌സന്റെ നേതൃത്വത്തിലുള്ള ലഹരി മാഫിയ സംഘത്തിനെതിരെ കൊല്ലപ്പെട്ടവരും പരിക്ക് പറ്റിയവരും പ്രതികരിച്ചിരുന്നു. അതിനോടുള്ള പകയാണ് കൊലപാതകത്തില്‍ എത്തിച്ചതെന്നും അദ്ദേഹം പറഞ്ഞു.

രണ്ടുപേരുടെ ജീവന്‍ നഷ്ടപ്പെട്ടതില്‍ നാടാകെ ദുഃഖത്തിലാണ്. രണ്ടു കുടുംബങ്ങള്‍ക്കും അവരുടെ ആശ്രയങ്ങള്‍ ആണ് ഇല്ലാതായത്. ലഹരി വില്‍പന നടത്തുന്ന കൊലയാളികള്‍ പെട്ടെന്നാണ് സമ്പന്നരായത്. പണത്തോടുള്ള ആര്‍ത്തിയാണ് കഞ്ചാവും മയക്കുമരുന്നും വില്‍പ്പന നടത്താന്‍ ഇവരെ പ്രേരിപ്പിച്ചത്. അതാവട്ടെ പുതുതലമുറയെ വഴിതെറ്റിക്കുന്നതാണ്.

Kannur, News, Kerala, Politics, CPM, Murder, Murder case, M.V Jayarajan, Thalassery: MV Jayarajan about double murder case.

എല്‍ഡിഎഫ് സര്‍കാര്‍ ലഹരി വിരുദ്ധ പ്രസ്ഥാനം ആരംഭിച്ചപ്പോള്‍ രാഷ്ട്രീയത്തിനതീതമായി ജനങ്ങള്‍ സഹകരിച്ചു. എന്നാല്‍ ലഹരിമാഫിയ സംഘത്തിനെതിരെ പ്രതികരിക്കുന്നവരെ ഇല്ലാതാക്കാന്‍ ഗുണ്ടാസംഘത്തെ സൃഷ്ടിക്കുകയാണെന്നും ജയരാജന്‍ കണ്ണൂരില്‍ മാധ്യമ പ്രവര്‍ത്തകരോട് പ്രതികരിച്ചു.

Keywords: Kannur, News, Kerala, Politics, CPM, Murder, Murder case, M.V Jayarajan, Thalassery: MV Jayarajan about double murder case.

Post a Comment