Longevity | കൂടുതൽ കാലം ആരോഗ്യത്തോടെ ജീവിക്കാൻ ശ്രദ്ധിക്കേണ്ട കാര്യങ്ങൾ

ന്യൂഡെല്‍ഹി: (KVARTHA) ആരോഗ്യം മെച്ചപ്പെടുത്തിയാല്‍ ആയുസ് ഗണ്യമായി വർധിക്കും. ആയുസൊക്കെ ഒരു പരിധി വരെ ജനിതകപരമാണെങ്കിലും, നമ്മള്‍ നമ്മുടെ ആരോഗ്യം എങ്ങനെ സംരക്ഷിക്കുന്നു എന്നത്, വളരെ പ്രധാനപ്പെട്ട കാര്യമാണ്. യോഗ, ധ്യാനം തുടങ്ങിയവ പതിവാക്കുകയും സമ്മർദം നിയന്ത്രിക്കുന്നതിനൊപ്പം പോഷക സമൃദ്ധമായ ഭക്ഷണത്തിൽ ശീലമാക്കുകയും ചെയ്യുകയാണെങ്കില്‍ ആരോഗ്യം മെച്ചപ്പെടുമെന്ന് ആരോഗ്യ വിദഗ്ധർ പറയുന്നു.
  
* കലോറി ഉപഭോഗം നിയന്ത്രിക്കുക

സ്ഥിരമായ കലോറി നിയന്ത്രണം വെല്ലുവിളി നിറഞ്ഞതും പാർശ്വഫലങ്ങളുണ്ടാക്കുന്നതുമാണെങ്കിലും, ആരോഗ്യകരമായ ഭാരം നിലനിർത്തുന്നതും വയറിലെ കൊഴുപ്പ് കുറയ്ക്കുന്നതും ദീർഘായുസിന് നിർണായകമാണ്.


* ഭക്ഷണത്തിൽ നട്‌സ് ഉൾപ്പെടുത്തുക:

നട്‌സിൽ പ്രോട്ടീൻ ധാരാളമുണ്ട്, നാരുകള്‍, ആൻ്റിഓക്‌സിഡൻ്റുകൾ, ജീവകങ്ങളും ധാതുക്കളും തുടങ്ങിയവ ഹൃദ്രോഗം, രക്താതിമർദ്ദം, വീക്കം, പ്രമേഹം, ചില അർബുദങ്ങൾ എന്നിവയുടെ അപകടസാധ്യത കുറയ്ക്കുന്നു. അതുവഴി നേരത്തെയുള്ള മരണ സാധ്യത ഗണ്യമായി കുറയ്ക്കും.


* ഭക്ഷണം പാകം ചെയ്യുമ്പോള്‍ മഞ്ഞൾ ചേർക്കുക

മഞ്ഞളിൽ കുർക്കുമിൻ അടങ്ങിയിട്ടുണ്ട്, അതിൻ്റെ ശക്തമായ ആൻ്റിഓക്‌സിഡൻ്റ ഗുണവും ആൻറി-ഇൻഫ്ലമേറ്ററി ഗുണവും ഹൃദ്രോഗം, കാൻസർ, പ്രായവുമായി ബന്ധപ്പെട്ട അവസ്ഥകൾ എന്നിവ തടയാൻ സഹായിക്കും.


* സസ്യാധിഷ്ഠിത ഭക്ഷണങ്ങളിൽ ശ്രദ്ധ കേന്ദ്രീകരിക്കുക

പഴങ്ങൾ, പച്ചക്കറികൾ, വിത്തുകൾ, ധാന്യങ്ങൾ, പയർവർഗങ്ങൾ എന്നിവ ധാരാളമായി കഴിക്കുന്നത്, നേരത്തെയുള്ള മരണത്തിൻ്റെയും പല വിട്ടുമാറാത്ത രോഗങ്ങളുടെയും അപകടസാധ്യത കുറയ്ക്കുന്നു. ഈ ഭക്ഷണങ്ങളിൽ അവശ്യ പോഷകങ്ങളും ആൻ്റിഓക്‌സിഡൻ്റുകളും കൂടുതലാണ്, ഇത് മൊത്തത്തിലുള്ള ആരോഗ്യവും ദീർഘായുസും വർധിപ്പിക്കുന്നു.


* സ്ഥിരമായ ശാരീരിക പ്രവർത്തനങ്ങളിൽ ഏർപ്പെടുക

ശാരീരികമായി സജീവമായി തുടരുന്നത് നല്ല ആരോഗ്യത്തിന് അത്യന്താപേക്ഷിതമാണ്. ദിവസേനയുള്ള 15 മിനിറ്റ് വ്യായാമം പോലും നല്ല ഗുണം ചെയ്യും. ഇത് അകാല മരണത്തിൻ്റെയും വിട്ടുമാറാത്ത രോഗങ്ങളുടെയും സാധ്യത കുറയ്ക്കുന്നു.


* പുകവലി ഒഴിവാക്കുക

നിരവധി രോഗങ്ങളുടെ ഒരു പ്രധാന കാരണമാണ് പുകവലി, ആയുസ് 10 വർഷം വരെ കുറയ്ക്കാം. ജീവിതത്തിൻ്റെ ഏത് ഘട്ടത്തിലും പുകവലി നിർത്തുന്നത് നിങ്ങളുടെ ആയുസ് ഗണ്യമായി വർധിപ്പിക്കും, എത്ര വേഗം ഇത്തരം ദുശീലങ്ങള്‍ ഉപേക്ഷിക്കുന്നുവോ അത്രയും വലിയ നേട്ടങ്ങൾ ലഭിക്കും.


* സന്തോഷമായിരിക്കുക

സന്തോഷം ആയുസിനെ നല്ല രീതിയിൽ സ്വാധീനിക്കുമെന്ന് തെളിയിക്കപ്പെട്ടിട്ടുണ്ട്. സന്തുഷ്ടരായ ആളുകൾ കൂടുതൽ കാലം ജീവിക്കും. സാമൂഹിക ബന്ധങ്ങൾ, ഹോബികൾ, പോസിറ്റീവ് ചിന്താഗതികൾ എന്നിവയിലൂടെ സന്തോഷം വർദ്ധിപ്പിക്കുന്നത് ജീവിത നിലവാരവും ദീർഘായുസും മെച്ചപ്പെടുത്തും.


* സമ്മർദവും ഉത്കണ്ഠയും നിയന്ത്രിക്കുക

വിട്ടുമാറാത്ത സമ്മർദവും ഉത്കണ്ഠയും ഹൃദ്രോഗം, സ്ട്രോക്ക്, മറ്റ് ആരോഗ്യ പ്രശ്നങ്ങൾ എന്നിവയുടെ അപകടസാധ്യത വർധിപ്പിക്കുന്നതിലൂടെ ആയുസ് ഗണ്യമായി കുറയ്ക്കും. യോഗ, ധ്യാനം, പോസിറ്റീവ് ചിന്തകൾ തുടങ്ങിയവ സമ്മർദം നിയന്ത്രിക്കാനും ദീർഘായുസ് പ്രോത്സാഹിപ്പിക്കാനും സഹായിക്കും.


* കാപ്പി, ചായ

ഈ പാനീയങ്ങൾ ആൻ്റിഓക്‌സിഡൻ്റുകളാൽ നിറഞ്ഞതാണ്, അവ പല വിട്ടുമാറാത്ത രോഗങ്ങളുടെ അപകടസാധ്യത കുറക്കും. കാപ്പിയുടെയും ചായയുടെയും മിതമായ ഉപയോഗം നേരത്തെയുള്ള മരണ സാധ്യത കുറയ്ക്കും.


* നന്നായി ഉറങ്ങുക

ഗുണനിലവാരമുള്ള ഉറക്കം ആരോഗ്യത്തിന് അത്യന്താപേക്ഷിതമാണ്. ഉറക്കക്കുറവും അമിതമായ ഉറക്കവും ആയുസിനെ പ്രതികൂലമായി ബാധിക്കും. രാത്രിയിൽ 7-8 മണിക്കൂർ ഉറങ്ങാൻ പ്രത്യേകം ശ്രദ്ധിക്കുക.