Woman Dies of Rabies | 2 മാസം മുന്‍പ് പട്ടിയുടെ കടിയേറ്റ വീട്ടമ്മ പേവിഷബാധയേറ്റ് മരിച്ചു
Jun 18, 2022, 09:43 IST
ഇടുക്കി: (www.kvartha.com) കട്ടപ്പനയില്‍ വീട്ടമ്മ പേവിഷബാധയേറ്റ് മരിച്ചു. മുരിക്കാശേരി തേക്കിന്‍തണ്ട് സ്വദേശിയായ 65 കാരിയാണ് മരിച്ചത്. കോട്ടയം മെഡികല്‍ കോളജ് ആശുപത്രിയില്‍ വച്ചാണ് മരിച്ചത്.
രണ്ട് മാസം മുന്‍പ് ഇവര്‍ക്ക് പട്ടിയുടെ കടിയേറ്റിരുന്നുവെന്നും എന്നാല്‍ കടിച്ചത് പേപ്പട്ടിയാണെന്ന് ആ സമയത്ത് അറിഞ്ഞിരുന്നില്ലെന്നും ബന്ധുക്കള്‍ പറഞ്ഞു. അതിനാല്‍ ആദ്യഘട്ടത്തില്‍ ചികിത്സയും തേടിയിരുന്നില്ല. പിന്നീട് കഴിഞ്ഞ ദിവസങ്ങളില്‍ ലക്ഷണങ്ങള്‍ കാണിച്ചതിനെ തുടര്‍ന്ന് ആശുപത്രിയിലേക്ക് മാറ്റുകയായിരുന്നു.
ഏതൊരു മൃഗവും മാന്തുകയോ കടിക്കുകയോ ചെയ്താല്‍ ആദ്യം ചെയ്യേണ്ടത് ആ ഭാഗം വൃത്തിയായി സോപിട്ട് കഴുകുകയാണ്. പേവിഷബാധയുണ്ടാക്കുന്ന റാബീസ് വൈറസുകള്‍ ഒരു പരിധി വരെ ഈ ഒഴുകുന്ന വെള്ളത്തില്‍ ഒലിച്ച് പോകും. തുടര്‍ന്ന് വൃത്തിയുള്ള തുണി കൊണ്ട് കെട്ടി രക്തപ്രവാഹം നിയന്ത്രിക്കാവുന്നതാണ്. വൈകാതെ വൈദ്യസഹായം ലഭ്യമാക്കുക.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
