Heart Block | അപ്രതീക്ഷിതമായുണ്ടാകുന്ന മാനസിക സംഘര്‍ഷവും സമ്മര്‍ദവുമെല്ലാം നയിക്കുന്നത് മാരകമായ ഹൃദ്രോഗത്തിലേക്ക്; ഇക്കാര്യങ്ങള്‍ നിര്‍ബന്ധമായും അറിഞ്ഞിരിക്കണം

 

ന്യൂഡെൽഹി: (KVARTHA) ഇന്നത്തെ കാലത്ത് സമ്മർദം (Stress) പ്രായഭേദമന്യേ എല്ലാവരെയും ബാധിക്കുന്നു. എന്നാൽ വളരെയധികം സമ്മർദം ചെലുത്തുന്നത് ആരോഗ്യത്തിന് ഗുരുതരമായ ദോഷം ചെയ്യുമെന്ന് മിക്കവരും മനസിലാക്കുന്നില്ല. അപ്രതീക്ഷിതമായുണ്ടാകുന്ന മാനസിക സംഘർഷവും സമ്മർദവുമെല്ലാം മാരകമായ ഹൃദ്രോഗത്തിലേക്കു നയിക്കും. ഈ അവസ്ഥയാണ് ബ്രോക്കൺ ഹാർട്ട് സിൻഡ്രോം (Broken Heart Syndrome) എന്നറിയപ്പെടുന്നത്. സമ്മർദം മൂലമുണ്ടാകുന്ന ഹൃദയാഘാതം സാധാരണമായിക്കൊണ്ടിരിക്കുന്ന ഈ സമയത്ത്, മാരകമായ സാഹചര്യം നേരിടാനുള്ള സാധ്യത കുറയ്ക്കുന്നതിന് ആവശ്യമായ എല്ലാ മുൻകരുതലുകളും സ്വീകരിക്കാൻ ഡോക്ടർമാർ നിർദേശിക്കുന്നു.

Heart Block | അപ്രതീക്ഷിതമായുണ്ടാകുന്ന മാനസിക സംഘര്‍ഷവും സമ്മര്‍ദവുമെല്ലാം നയിക്കുന്നത് മാരകമായ ഹൃദ്രോഗത്തിലേക്ക്; ഇക്കാര്യങ്ങള്‍ നിര്‍ബന്ധമായും അറിഞ്ഞിരിക്കണം

സമ്മർദം ഹൃദയാരോഗ്യത്തെ എങ്ങനെ ബാധിക്കുന്നു?

ഒരു വ്യക്തി വളരെയധികം സമ്മർദം അനുഭവിക്കുമ്പോഴാണ് ബ്രോക്കൺ ഹാർട്ട് സിൻഡ്രോം എന്ന പ്രശ്നം ഉണ്ടാകുന്നത്. ഇവിടെ ഹൃദയത്തിന്റെ പ്രധാന പമ്പിങ് ചേംബറായ ഇടതു വെൻട്രിക്കിൾ ദുർബലപ്പെടുകയാണ് സംഭവിക്കുന്നത്. ഈ കാലയളവിൽ ഹൃദയപേശികൾ വളരെ ദുർബലമാകും. സമ്മർദവുമായി ബന്ധപ്പെട്ട സംഭവങ്ങളോ വികാരങ്ങളോ മൂലമുണ്ടാകുന്ന താൽക്കാലിക ഹൃദയാവസ്ഥയാണിത്.

ബ്രോക്കൺ ഹാർട്ട് സിൻഡ്രോം രണ്ട് തരത്തിലുള്ള സമ്മർദങ്ങൾക്ക് കാരണമാകുന്നു, അതായത് വൈകാരികവും ശാരീരികവുമായ സമ്മർദം. ഇത് ഒന്നുകിൽ സങ്കടം, കടുത്ത കോപം, ഭയം അല്ലെങ്കിൽ മറ്റ് വികാരങ്ങൾ എന്നിവയുമായി ബന്ധപ്പെട്ടിരിക്കുന്നു. ഇതുകൂടാതെ, ഇത് ചിലപ്പോൾ ഗുരുതരമായ ശാരീരിക അസ്വാസ്ഥ്യങ്ങൾ അല്ലെങ്കിൽ ശസ്ത്രക്രിയ പോലെയുള്ള ശാരീരിക സമ്മർദം മൂലമാകാം. സ്ട്രെസ് ഹോർമോണുകളായ അഡ്രിനാലിൻ പോലുള്ളവ പെട്ടെന്ന് ഉയരുന്നതാവാം കാരണമെന്നു വിദ​ഗ്ധർ കരുതുന്നു.

മിക്ക ആളുകൾക്കും, ബ്രോക്കൺ ഹാർട്ട് സിൻഡ്രോം ഒരു താൽക്കാലിക അവസ്ഥയാണ്. ഭൂരിഭാഗം ആളുകളും അപകടമില്ലാതെ ഇതിൽ നിന്ന് എളുപ്പത്തിൽ കരകയറുന്നു. പ്രശ്നം ഗുരുതരമായാൽ മരിക്കാൻ പോലും സാധ്യതയുണ്ട്. പെട്ടെന്നുള്ള നെഞ്ചുവേദന, ശ്വാതടസം, ബോധക്ഷയം തുടങ്ങിയവയാണ് പ്രധാനലക്ഷണങ്ങൾ.

അമിതമായ സമ്മർദത്തിലൂടെ കടന്നുപോയതിനുശേഷമാണ് സാധാരണ ഇവ പ്രത്യക്ഷമാവുക. സ്ത്രീകളിലും പുരുഷന്മാരിലും ഏതു പ്രായത്തിലും ഈയവസ്ഥ കാണാമെങ്കിലും പ്രായമായ സ്ത്രീകളിലാണ് കൂടുതൽ കണ്ടുവരുന്നത്. പലതും ഹൃദയാഘാതത്തിനും സമാനം ആണെന്നതിനാൽ ഇവ കണ്ടാലുടൻ ‍ഡോക്ടറെ കാണാനും മടികാണിക്കരുത്.

Keywords: News, National, New Delhi, Health Tips, Lifestyle, Broken Heart Syndrome, People, Men, Women, Heart Attack, Doctor, Stress-induced heart attacks: Doctors explain how a broken heart can lead to death.
< !- START disable copy paste -->
ഇവിടെ വായനക്കാർക്ക് അഭിപ്രായങ്ങൾ രേഖപ്പെടുത്താം. സ്വതന്ത്രമായ ചിന്തയും അഭിപ്രായ പ്രകടനവും പ്രോത്സാഹിപ്പിക്കുന്നു. എന്നാൽ ഇവ കെവാർത്തയുടെ അഭിപ്രായങ്ങളായി കണക്കാക്കരുത്. അധിക്ഷേപങ്ങളും വിദ്വേഷ - അശ്ലീല പരാമർശങ്ങളും പാടുള്ളതല്ല. ലംഘിക്കുന്നവർക്ക് ശക്തമായ നിയമനടപടി നേരിടേണ്ടി വന്നേക്കാം.

Tags

Share this story

wellfitindia