Health Tips | ആറ്റുകാൽ പൊങ്കാല: ഉത്സവത്തിനിടയിൽ ആരോഗ്യത്തിന് വേണം പ്രത്യേക ശ്രദ്ധ, അറിഞ്ഞിരിക്കാം ഈ കാര്യങ്ങൾ

* ജലാംശം നിലനിർത്തുക:

ശരീരത്തിൽ ജലാംശം നിലനിർത്തേണ്ടത് വളരെ പ്രധാനമാണ്. വാട്ടർ ബോട്ടിൽ നിങ്ങളുടെ പക്കൽ വയ്ക്കുക, ഓരോ അര മണിക്കൂർ കൂടുമ്പോഴും വെള്ളം കുടിക്കുക. സാധാരണ വെള്ളത്തിന് പുറമെ ജ്യൂസ്, മോര്, തേങ്ങാ വെള്ളം തുടങ്ങിയവ കുടിക്കാം. വ്രതം കാരണം അന്നേ ദിവസം ജലപാനം ചെയ്യാതിരിക്കുന്നവർ തലേ ദിവസവും പൂജയ്ക്കു ശേഷവും ധാരാളം വെള്ളം കുടിക്കാൻ പ്രത്യേകം ശ്രദ്ധിക്കുക.

* ആവശ്യത്തിന് ഉറങ്ങുക:

ഉത്സവകാലത്തിൻ്റെ തിരക്കിനിടയിൽ പലപ്പോഴും നമുക്ക് വേണ്ടത്ര ഉറക്കം ലഭിക്കാറില്ല. അത്തരമൊരു സാഹചര്യത്തിൽ നമ്മുടെ ശരീരത്തോടൊപ്പം മനസും തളരുന്നു. അതിനാൽ, മനസും ശരീരവും ആരോഗ്യകരമായി നിലനിർത്താൻ മതിയായ ഉറക്കം വളരെ പ്രധാനമാണ്. പ്രത്യേകിച്ച് നല്ല ഉറക്കം നമ്മുടെ തലച്ചോറിലെ വിഷാംശം നീക്കം ചെയ്യുന്നതിനും പകലിൻ്റെ ക്ഷീണത്തിൽ നിന്ന് കരകയറുന്നതിനും വളരെയധികം സഹായിക്കുന്നു.

* സൂര്യാഘാതം തടയാം

കുട ഉപയോഗിക്കുന്നതും തൊപ്പി ധരിക്കുന്നതും സൂര്യാഘാതം തടയാൻ സഹായിക്കും. മുഖത്തും കൈകാലുകളിലും സൺ സ്ക്രീൻ ഉപയോഗിക്കുക. കോട്ടൺ തുണിത്തരങ്ങളും ഇളം നിറത്തിലുള്ള വസ്ത്രങ്ങളും തിരഞ്ഞെടുക്കുക.

* പിരിമുറുക്കം വേണ്ട

ഉത്സവ വേളകളിൽ തിരക്കും തിരക്കും ഉണ്ടാകുമെങ്കിലും അധികം സമ്മർദം ചെലുത്തരുത്. സമ്മർദം രക്തസമ്മർദ്ദം വർധിപ്പിക്കും, ഇത് നിങ്ങളുടെ ഹൃദയത്തിനും നല്ലതല്ല. നല്ല ഉറക്കം ലഭിക്കുന്നത് നിങ്ങളുടെ മാനസികാവസ്ഥയെ മികച്ചതാക്കുന്നു. സമ്മർദവും ഉത്കണ്ഠയും അകറ്റുന്നു, ഇത് ഹൃദയത്തിൻ്റെ ആരോഗ്യത്തിന് വളരെ പ്രധാനമാണ്.

* വഴിയോരങ്ങളിലെ ഭക്ഷണപാനീയങ്ങൾ ഒഴിവാക്കുക

വഴിയോരങ്ങളിലെ ഭക്ഷണപാനീയങ്ങൾ ഒഴിവാക്കുക. പലതരം പലഹാരങ്ങൾ വിപണിയിൽ ലഭ്യമാണ്, എന്നാൽ ഈ മധുരപലഹാരങ്ങൾ നമ്മുടെ ആരോഗ്യത്തിന് ഹാനികരമാണ്. വിപണിയിൽ നിന്ന് പലഹാരങ്ങൾ വാങ്ങുന്നതിനു പകരം വീട്ടിൽ തന്നെ ഉണ്ടാക്കാം. എളുപ്പത്തിൽ ഉണ്ടാക്കാവുന്ന ചില പലഹാരങ്ങളുണ്ട്.

* ഇക്കാര്യങ്ങൾ കൂടി ശ്രദ്ധിക്കുക

ചെരുപ്പുകൾ നിർബന്ധമായും ധരിക്കാനും തീയിൽനിന്നു നിശ്ചിത അകലം പാലിക്കാനും പ്രത്യേകം ശ്രദ്ധിക്കുക. പൊങ്കാലയ്ക്ക് ശേഷം കാലിന്‍റെ അടിഭാഗം പരിശോധിക്കണം. പൊള്ളലോ മുറിവുകളോ ഉണ്ടോ എന്ന് പരിശോധിക്കണം. ആസ്മയുളളവര്‍ക്ക് ശ്വാസംമുട്ട് അനുഭവപ്പെടാൻ സാധ്യതയുണ്ട്. ഇൻഹേലര്‍ ഉപയോഗിക്കുന്നവര്‍ അത് കരുതുക. തലകറക്കം അനുഭവപ്പെട്ടാൽ പരിഭ്രാന്തി കാട്ടാതെ ഉടന്‍ കിടക്കുക. ശേഷം വൈദ്യസഹായം തേടുക. < !- START disable copy paste -->