Follow KVARTHA on Google news Follow Us!
ad

Kannur University | കണ്ണൂർ സർവകലാശാലയിലെ 117 കോളജുകളിൽ ഈ വർഷം മുതൽ 4 വർഷ ബിരുദ കോഴ്‌സുകൾ; ക്രമീകരണമേർപ്പെടുത്തിയെന്ന് വൈസ് ചാൻസലർ

'176 ക്രെഡിറ്റ് ലഭിക്കുന്നവർക്ക് നെറ്റ് എഴുതി ഗവേഷണത്തിലേക്ക് പോകാം' Education, career, Course, Degree, UG Study
കണ്ണൂർ: (KVARTHA) കണ്ണൂർ സർവകലാശാലയിൽ ഉത്തരക്കടലാസ് കാണാതായ സംഭവത്തിലും പരീക്ഷാ ചട്ട ലംഘനം നടത്തിയ വിദ്യാർത്ഥിയുടെ ശിക്ഷ ഇളവു ചെയ്ത സംഭവത്തിലും അന്വേഷണം നടന്നു വരികയാണെന്ന് വൈസ് ചാൻസലർ ഡോ. ബിജോയ് നന്ദൻ പറഞ്ഞു. താവക്കര സർവകലശാല ആസ്ഥാനത്ത് മാധ്യമ പ്രവർത്തകരോട് സംസാരിക്കുകയായിരുന്നു അദ്ദേഹം. ഈ കാര്യത്തിൽ തീരുമാനമൊന്നും എടുത്തിട്ടില്ല. അടുത്ത ദിവസം തന്നെ ആ കാര്യം ചർച്ച ചെയ്യുന്നതിന് സിൻഡിക്കേറ്റ് യോഗം ചേരും. ഇലക്ഷൻ ചട്ടങ്ങൾ കഴിഞ്ഞാൽ സെനറ്റ് യോഗം ചേരും. പുതിയ അംഗങ്ങൾ പങ്കെടുക്കുന്ന കാര്യം ആ സമയം തീരുമാനിക്കുമെന്നും വി സി പറഞ്ഞു.
 
4 year degree courses from this year in 117 colleges of Kannur University

കോപ്പിയടിച്ചതിന് നടപടി നേരിടുന്ന വിദ്യാർത്ഥിക്ക് ശിക്ഷാ ഇളവ് നൽകാൻ തീരുമാനിച്ചുവെന്ന വാർത്ത ഏറെ വിവാദം സൃഷ്ടിച്ചിരുന്നു. ഇതിനെ തുടർന്ന് കഴിഞ്ഞ ദിവസം കെ.എസ് യു പ്രവർത്തകർ സർവകലാശാലയിലേക്ക് പ്രതിഷേധ മാർച്ചു നടത്തിയിരുന്നു. കണ്ണൂർ സർവകലാശാലയിലെ 117 കോളേജുകളിൽ ഈ വർഷം മുതൽ നാല് വർഷ ബിരുദ ഓണേഴ്സ് കോഴ്സുകൾ ആരംഭിക്കുമെന്ന് വൈസ് ചാൻസലർ കൂട്ടിച്ചേർത്തു.


അവസാന സെമസ്റ്റർ റിസേർച്ചിന് ഇന്ത്യയിലെ ഏത് സർവകലാശാലയും വിദ്യാർത്ഥികൾക്ക് തിരഞ്ഞെടുക്കാമെന്നും അതിനുള്ള സൗകര്യം ഒരുക്കിയിട്ടുണ്ടന്നും വി സി പറഞ്ഞു. ഓണേഴ്സിന് 176 ക്രെഡിറ്റ് ലഭിക്കുന്നവർക്ക് നെറ്റ് എഴുതി ഗവേഷണത്തിലേക്ക് പോകാം. കൂടാതെ അഞ്ചുവർഷ പി. ജി കോഴ്സുകളും ഈ വർഷം ആരംഭിക്കും. ഫിസിക്കൽ സയൻസ്, ക്ലിനിക്കൽ സൈക്കോളജി. ആന്ത്രപ്പോളജി സയൻസ് തുടങ്ങിയ വിഷയങ്ങളിലാണ് അഞ്ചുവർഷ പി.ജി കോഴ്സുകൾ ആരംഭിക്കുകയെന്നും വൈസ് ചാൻസലർ വ്യക്തമാക്കി. വാർത്താസമ്മേളനത്തിൽ സിൻഡിക്കേറ്റ് അംഗങ്ങളായ എൻ സുകന്യ, പ്രമോദ് വെള്ളച്ചാൽ എന്നിവരും പങ്കെടുത്തു.

Keywords: Education, career, Course, Degree, UG Study, Kannur, Kannur University, Students, Collage, Honours, 4 year degree courses from this year in 117 colleges of Kannur University.

Post a Comment