2016 മുതൽ 2019 വരെ അമേരിക്കയിൽ ചികിത്സിച്ച 776,000 ത്തോളം രോഗികളുടെ വിവരങ്ങൾ പഠനം വിശകലനം ചെയ്തു. ഇതിൽ 458,100 സ്ത്രീ രോഗികളും 318,800 പുരുഷ രോഗികളും ഉൾപ്പെടുന്നു. വനിതാ ഡോക്ടർമാർ ചികിത്സിച്ച സ്ത്രീ രോഗികളുടെ മരണനിരക്ക് 8.15% ആയിരുന്നപ്പോൾ, പുരുഷ ഡോക്ടർമാർ ചികിത്സിച്ചവരിൽ ഇത് 8.38% ആയിരുന്നു.
പുരുഷ രോഗികളുടെ കാര്യത്തിലും സമാനമായ ഫലങ്ങൾ കണ്ടെത്തി. വനിതാ ഡോക്ടർമാർ ചികിത്സിച്ച പുരുഷ രോഗികളുടെ മരണനിരക്ക് 10.15% ആയിരുന്നപ്പോൾ പുരുഷ ഡോക്ടർമാർ ചികിത്സിച്ചവരിൽ ഇത് 10.23% ആയിരുന്നു. പഠനം കാരണങ്ങൾ വിശദീകരിക്കുന്നില്ലെങ്കിലും, ചില സാധ്യതകൾ വ്യക്തമാക്കുന്നുണ്ട്. അത് ഇങ്ങനെയാണ്.
* വിശദമായ ആശയവിനിമയം: വനിതാ ഡോക്ടർമാർ രോഗികളുമായി കൂടുതൽ സമയം ചിലവഴിച്ച് കൂടുതൽ വിശദമായ ആശയവിനിമയം നടത്താൻ സാധ്യതയുണ്ട്. ഇത് രോഗലക്ഷണങ്ങൾ കൃത്യമായി മനസിലാക്കാൻ സഹായിക്കും.
* രോഗനിർണയത്തിലെ കൃത്യത: കൂടുതൽ വിവരങ്ങൾ ലഭ്യമാകുന്നത് കൂടുതൽ കൃത്യമായ രോഗനിർണയത്തിന് വഴിവെക്കും.
* ചികിത്സാ രീതികൾ: വനിതാ ഡോക്ടർമാർ ചികിത്സയിൽ കൂടുതൽ കരുതൽ പുലർത്തുന്നതിനും ആവശ്യമായ പരിശോധനകൾ നടത്തുന്നതിനും സാധ്യതയുണ്ട്.
Keywords: News, World, Washington, Female Doctors, Patient, Study, Health, Study, Hospital, Treatment, Patients Treated By Female Doctors More Likely To Survive, Claims Study.
< !- START disable copy paste -->