ഞായറാഴ്ച വൈകുന്നേരമായിരുന്നു വിശുദ്ധ പാരമ്പര്യത്തില്‍ റമദാന്റെ എളിമയുമായി യുഎഇ പ്രസിഡന്റ് നോമ്പുതുറയ്‌ക്കെത്തിയവരെ ഞെട്ടിച്ചത്. 13 മണിക്കൂറും 33 മിനിറ്റും നീണ്ട ഉപവാസം അവസാനിപ്പിച്ച് എല്ലാവരും ഇഫ്താര്‍ ആരംഭിച്ചപ്പോള്‍ ശൈഖ് മുഹമ്മദും സാധാരണക്കാര്‍ക്കൊപ്പം ചേര്‍ന്നു.
വൈസ് പ്രസിഡന്റ് ശൈഖ് മന്‍സൂര്‍ ബിന്‍ സായിദ് അല്‍ നഹ്യാന്‍, അബൂദബി കിരീടാവകാശി ഖാലിദ് ബിന്‍ മുഹമ്മദ് അല്‍ നഹ്യാന്‍, ഡോ. സുല്‍ത്വാന്‍ അഹമ്മദ് അല്‍ ജാബര്‍, ശൈഖ് തിയാബ് ബിന്‍ മുഹമ്മദ് ബിന്‍ സായിദ് അല്‍ നഹ്യാന്‍ എന്നിവരോടൊപ്പമാണ് യുഎഇ പ്രസിഡന്റ് നോമ്പുതുറക്കാനെത്തിയത്.
രാജകുടുംബത്തിന്റെ അപ്രതീക്ഷിത സാന്നിധ്യത്തില്‍ അമ്പരന്നുപോയിരുന്നു. പൊതുജനങ്ങള്‍ക്ക് നല്‍കുന്ന ഫ്രഷ് സാലഡ്, പഴം, ബിരിയാണി പോലെ അരിയും മാംസവും ചേര്‍ത്ത് പരമ്പരാഗത രീതിയില്‍ തയ്യാറാക്കിയ വിഭവം, ഹരീസ, വെള്ളം, ലബന്‍ (യോഗട്) എന്നിവ ഉള്‍പെടുന്ന ഇഫ്താര്‍ വിരുന്ന് കഴിച്ചു. തുടര്‍ന്ന് ശൈഖ് സായിദ് ഗ്രാന്‍ഡ് മോസ്‌കിനുള്ളിലെ വിശ്വാസികളുമായും പ്രസിഡന്റ് സംസാരിച്ചു.
.jpg "UAE worshipper")
മലയാളികടക്കമുള്ള നൂറുകണക്കിന് പേര്‍ പള്ളിയങ്കണത്തില്‍ നോമ്പുതുറയ്ക്ക് എത്തിയിരുന്നു. 'സുഖമാണോ'യെന്ന് എല്ലാവരോടും അറബികില്‍ ചോദിച്ചു കൊണ്ട് അദ്ദേഹം കടന്നുവന്നപ്പോള്‍ എല്ലാവരും എഴുന്നേറ്റ് ആദരവും ബഹുമാനവും പ്രകടിപ്പിച്ചു. എന്നാല്‍ 'ഇരുന്നോളൂ'വെന്ന് അദ്ദേഹം പറയുകയും ചെയ്യുകയായിരുന്നു. ഇതിന്റെ വീഡിയോയും സമൂഹ മാധ്യമങ്ങളില്‍ പങ്കുവച്ചിട്ടുണ്ട്.
Keywords: News, Gulf, Gulf-News, Ramadan, Ramayana-Masam, Video, President, Breaks, Fasting, UAE, Worshippers, Sheikh Zayed, Grand Mosque, Abu Dhabi, Watch: President breaks fast with UAE worshippers at Sheikh Zayed Grand Mosque.