ഇതോടെ 11 നിയമസഭ മണ്ഡലങ്ങളിലെ 115 കോളജുകളില് നിന്നായി 27,450 വിദ്യാര്ഥികളെയാണ് വോടര് പട്ടികയില് ചേര്ത്തത്. ജില്ലാ നോഡല് ഓഫീസറുടെ കീഴില് ഓരോ മണ്ഡലങ്ങളിലും പ്രത്യേക നോഡല് ഓഫീസര്മാര് ടീമായാണ് കാംപയിന് ഏകോപിപ്പിച്ചത്. കല്യാശ്ശേരി മണ്ഡലത്തിലെ വിവിധ കോളജുകളില് നിന്നാണ് കൂടുതല് വിദ്യാര്ഥികളെ ചേര്ത്തത്.
8207 യുവതകളെ വോടര് പട്ടികയില് ചേര്ത്തു. പയ്യന്നൂര് 2967, തളിപ്പറമ്പ് 2623, ഇരിക്കൂര് 1767, പേരാവൂര് 2708, മട്ടന്നൂര് 1517, കൂത്തുപറമ്പ് 2266, ധര്മ്മടം 1071, തലശ്ശേരി 1847, കണ്ണൂര് 2010, അഴീക്കോട് 467 എന്നിങ്ങനെയാണ് മറ്റു മണ്ഡലങ്ങളില് ചേര്ത്ത വിദ്യാര്ഥികളുടെ കണക്ക്. 20 ദിവസം നീണ്ട കാംപയിന്റെ ഭാഗമായി 50 പ്രത്യേക കാംപുകളും വിവിധ കോളജുകളില് നടത്തിയാണ് ഈ നേട്ടം കൈവരിക്കാനായത്.
കാംപയിന്റെ വിജയത്തിനായി കോളജ് പ്രിന്സിപല്മാരുടെ സഹായവും എന് എസ് എസ് കേഡറ്റുമാരുടെ പിന്തുണയും സ്വീപിന് ലഭിച്ചിരുന്നു. കൂടാതെ വോടര് രെജിസ്ട്രേഷന് സുഗമമാക്കാന് ജില്ലാതലത്തില് ഒരു പ്രത്യേക ഹെല്പ് ലൈന് നമ്പറും ഇമെയില് പിന്തുണയും ഉറപ്പാക്കിയിരുന്നു.
തിരഞ്ഞെടുപ്പിന്റെ പ്രധാന്യത്തെ കുറിച്ച് കൃത്യമായ അറിവില്ലാത്ത വിദ്യാര്ഥികള്ക്കിടിയില് കൂടുതല് അവബോധനം സൃഷ്ടിക്കാന് കാംപയിന് കൊണ്ട് സാധിച്ചുവെന്ന് പദ്ധതി നിര്വഹിച്ച ഉദ്യോഗസ്ഥര് പറഞ്ഞു.
Keywords: News, Kerala, Kerala-News, Politics-News, Kannur-News, Vote, Students, Kannur News, Kannur, First District, Politics, Party, Political Party, Anoop Garg, Assistant Collector, Vote for all students; Kannur becomes the first district.