ഇക്കാര്യത്തില് മുഖ്യമന്ത്രിയുമായി കൂടിയാലോചന നടത്തി വേണ്ട തീരുമാനം കൈക്കൊള്ളുമെന്നും മന്ത്രി അറിയിച്ചു. അനന്തുവിന്റെ കുടുംബത്തിന് അദാനി ഗ്രൂപ് സഹായം നല്കണമെന്ന് മന്ത്രി ആവശ്യപ്പെട്ടു. ബി ഡി എസ് വിദ്യാര്ഥിയായ അനന്തു കുടുംബത്തിന്റെ പ്രതീക്ഷയാണ്. അതുകൂടി പരിഗണിച്ചു കൊണ്ടാകണം അദാനി ഗ്രൂപ് നഷ്ടപരിഹാരം നല്കേണ്ടത്.
സംഭവത്തില് വിശദമായ അന്വേഷണം ഉണ്ടാകും. ഒരു കുട്ടിയുടെ കാലു മുറിക്കുന്ന സംഭവം അടക്കം ഇത്തരത്തില് നിരവധി വിഷയങ്ങള് ഉണ്ടാകുന്നതായി പ്രദേശവാസികള്ക്ക് പരാതിയുണ്ട്. സുരക്ഷാ മാനദണ്ഡങ്ങള് പാലിക്കാതെയുള്ള നിര്മാണ പ്രവര്ത്തനങ്ങള് അനുവദിക്കാന് ആകില്ല. വിഴിഞ്ഞം തുറമുഖ നിര്മാണം എത്രയും പെട്ടെന്ന് പൂര്ത്തിയാക്കണമെന്നാണ് സര്കാരിന്റെ നിലപാട്.
എന്നാല് ഇക്കാര്യത്തില് ജനങ്ങളുടെ സുരക്ഷാ കാര്യത്തില് വിട്ടുവീഴ്ച ചെയ്യാനാകില്ല. ഉയര്ന്നു വന്ന വിഷയങ്ങളെല്ലാം പരിശോധിച്ച് റിപോര്ട് നല്കാന് ജില്ലാ കലക്ടര്ക്ക് നിര്ദേശം നല്കിയിട്ടുണ്ട്. അനന്തുവിന്റെ കുടുംബത്തെ ആശ്വസിപ്പിച്ച മന്ത്രി അവരുടെ ദുഃഖത്തില് പങ്കുചേരുന്നതായും അറിയിച്ചു.
അതേസമയം പട്നയില് നടക്കുന്ന അണ്ടര് 17 ജൂനിയര് ബോയ്സ് ആന്ഡ് ഗേള്സ് അത്ലറ്റിക്സ് മത്സരത്തില് കേരളത്തില് നിന്നുള്ള വിദ്യാര്ഥികളെ പങ്കെടുപ്പിക്കുമെന്നും മന്ത്രി പറഞ്ഞു. ഇതിനുള്ള മുന്നൊരുക്കങ്ങള് നടത്താന് മന്ത്രി പൊതുവിദ്യാഭ്യാസ ഡയറക്ടര്ക്ക് നിര്ദേശം നല്കി.
മീറ്റില് കേരളത്തില് നിന്ന് 69 കുട്ടികളാണ് പങ്കെടുക്കുന്നത്. കഴിഞ്ഞ ഫെബ്രുവരിയില് നടക്കേണ്ടതായിരുന്നു മീറ്റ്. എന്നാല് പിന്നീട് അത് മാറ്റുകയായിരുന്നു.
Keywords: Minister V Sivankutty visits Ananthu's family, Thiruvananthapuram, News, Minister V Sivankutty, Visit, Ananthu's Family, BDS Student, Accidental Death, Compensation, Kerala News.