Follow KVARTHA on Google news Follow Us!
ad

Arrested | വിദേശരാജ്യങ്ങളിലേക്ക് ജോലി വാഗ്ദാനം ചെയ്ത് പണം തട്ടിയെന്ന പരാതിയില്‍ കലാഭവന്‍ സോബി ജോര്‍ജ് അറസ്റ്റില്‍

26 കേസുകളാണ് ഇയാള്‍ക്കെതിരെയുള്ളതെന്ന് പൊലീസ് Kalabhavan Soby George, Arrested, Job, Fraud, Case, Money, Police, Complaint
സുല്‍ത്താന്‍ ബത്തേരി: (KVARTHA) തട്ടിപ്പ് കേസില്‍ കലാഭവന്‍ സോബി ജോര്‍ജ് (56) അറസ്റ്റില്‍. വിദേശരാജ്യങ്ങളിലേക്ക് ജോലി വാഗ്ദാനം ചെയ്ത് പണം തട്ടിയെന്ന പരാതിയിലാണ് നടപടി. കഴിഞ്ഞ ദിവസം കൊല്ലത്ത് വച്ചാണ് ബത്തേരി പൊലീസ് സോബിയെ പിടികൂടിയത്.

എസ് ഐ കെ വി ശശികുമാര്‍, സീനിയര്‍ സി പി ഒ കെ എസ് അരുണ്‍ജിത്ത്, സി പി ഒമാരായ വി ആര്‍ അനിത്, എം മിഥിന്‍, പി കെ സുമേഷ് എന്നിവരടങ്ങുന്ന സംഘമാണ് സോബിയെ പിടികൂടിയത്.

ബത്തേരി പൊലീസ് പറയുന്നത്: സ്വിറ്റ്‌സര്‍ലാന്റ് അടക്കമുള്ള രാജ്യങ്ങളില്‍ ജോലി വാഗ്ദാനം നല്‍കി പുല്‍പ്പള്ളി സ്വദേശിയുടെ ലക്ഷങ്ങള്‍ തട്ടിയെന്നാണ് പരാതി. പുല്‍പ്പള്ളി സ്വദേശിക്ക് സ്വിറ്റ്‌സര്‍ലാന്റിലേക്ക് വിസ വാഗ്ദാനം ചെയ്ത് മൂന്ന് ലക്ഷം രൂപയാണ് മൂന്ന് വര്‍ഷം മുമ്പ് സോബി തട്ടിയെടുത്തത്.


ഇത്തരത്തില്‍ പുല്‍പ്പള്ളി പൊലീസ് സ്റ്റേഷനില്‍ നാലും അമ്പലവയല്‍ സ്റ്റേഷനില്‍ ഒരു കേസുമടക്കം വയനാട്ടില്‍ ആറ് കേസുകളാണ് സോബിക്കെതിരെയുള്ളത്. വയനാട്ടില്‍ നിന്ന് മാത്രം 25 ലക്ഷം രൂപ ഇയാള്‍ തട്ടിയതായാണ് നിഗമനം. സംസ്ഥാനത്തെ വിവിധ സ്റ്റേഷനുകളിലായി സമാന പരാതിയില്‍ 20 കേസുകളും ഇയാളുടെ പേരിലുണ്ട്. നിരവധി ചെക് കേസുകളിലും സോബി പ്രതിയാണ്. ഇയാള്‍ സഞ്ചരിച്ചിരുന്ന ബെന്‍സ് കാറും കസ്റ്റഡിയിലെടുത്തതായി പൊലീസ് കൂട്ടിച്ചേര്‍ത്തു.

Keywords: News, Kerala, Kerala-News, Police-News, Kalabhavan Soby George, Arrested, Job, Fraud, Case, Money, Police, Complaint, Kalabhavan Soby George arrested in job fraud case.

Post a Comment